ក្រោម​ក្រសែភ្នែក​អ្នក​គាំទ្រកម្ពុជា ជាង ១ម៉ឺន​នាក់​ក្នុង​ពហុកីឡដ្ឋានជាតិ​មរតតេជោ ក្លិបបាល់ទាត់​ព្រះខ័នរាជស្វាយរៀង ពិ​ត​ជាធ្វើ​បាន​ល្អ ដោយ​យក​ឈ្នះ​លើក​ក្រុម​ Port FC របស់​ថៃ ក្នុង​លទ្ធផល ៤-១ ប្រកួត​ទី២ វគ្គជម្រុះ​ពូល B នៃពានរង្វាន់ក្លិបកំពូលអាស៊ាន ASEAN Club Championship (Shopee Cup) 2026/27 កាល​ពី​ថ្ងៃទី១៩ វិច្ឆិកា ២០២៦។

សម្រាប់​ជ័យ​ជម្នះ​ ៤ទល់​និង១ ដ៏​ល្អ​របស់​ស្វាយរៀង រកបាន​ដោយ​កីឡាករ មិន រតន: ១គ្រាប់​នៅ​នាទីទី១៤ មុន​កីឡាករ​សញ្ញាតិ​ប្រេស៊ីល Martins Júnior បន្ថែម​គ្រាប់​ទី២ នៅ​នាទីទី៤៣។

ឈាន​ដល់​វគ្គ​ទី២ ខ្សែប្រយុទ្ធកំពុង​ឡើង​ជើង ​​Tiago Alves រក​បាន​ ១គ្រាប់​ទៀត ដែល​ជាគ្រាប់​ទី៣ លុះ​ដល់​នាទីទី៧៧ Kwame Peprah ទទួល​បាន​ឪកាសទាត់​បាល់​ពិន័យ ១១ម៉ែត្រ ១គ្រាប់​បន្ថែម​ទៀត មុន​ពេល Port FC តាម​បាន​ ១គ្រាប់​វិញ​នៅម៉ោងបន្ថែម ៩០+១ ដោយ​រក្សាលទ្ធផល ៤-១ ចប់​ការប្រកួត។

ក្រោយ​ចប់​ការប្រកួត ខ្សែប្រយុទ្ធ​​សញ្ញាតិ​ប្រេស៊ីល Martins Júnior ត្រូវ​បាន​ជម្រើសរើសជាប់​ជាកីឡាករ​ល្អ​ប្រចាំការប្រកួត។ រូប​គេ​ថែម​ទាំង​។ ជុំវិញ​លទ្ធផល​នេះ ទាំង​គ្រូបង្វឹក លោក​ McConkey និង​កូន​ក្រុមរបស់លោក ពិត​ជាស័ក្តិសម​និងឈ្នះ ពោលកូនក្រុមលេង​បានល្អ​ទាំង​ការ​គ្រប់គ្រងបាល់ និង​ពេលបាត់បាល់ជាដើម។​

កម្មវិធីប្រកួតបន្ត​របស់​ព្រះខ័នរាជស្វាយរៀង ជម្រុះ​ក្នុង​ពូល B៖

  • ថ្ងៃទី៨ តុលា ២០២៦៖ Johor (ម៉ាឡេស៊ី) ៦-០ ព្រះខ័នរាជស្វាយរៀង (កម្ពុជា)
  • ថ្ងៃទី១៩ វិច្ឆិកា ២០២៦៖ ព្រះខ័នរាជស្វាយរៀង (កម្ពុជា) ៤-១ Port FC (ថៃ)
  • ថ្ងៃទី១០ ធ្នូ ២០២៦៖ Công An Hà Nội (វៀតណាម) ជួប​ជាមួយ ព្រះខ័នរាជស្វាយរៀង (កម្ពុជា)
  • ថ្ងៃទី១៧ ធ្នូ ២០២៦៖ ព្រះខ័នរាជស្វាយរៀង (កម្ពុជា) ជួប​ជាមួយ Lion City Sailors (សិង្ហបុរី)
  • ថ្ងៃទី២៥ កុម្ភ: ២០២៧៖ ព្រះខ័នរាជស្វាយរៀង (កម្ពុជា) ជួបជាមួយ Persib (ឥណ្ឌូណេស៊ី)
  • ថ្ងៃទី១ មេសា ២០២៧៖ Shan United (មីយ៉ាន់ម៉ា) ជួបជាមួយ ព្រះខ័នរាជស្វាយរៀង (កម្ពុជា)

ឆ្លងកាត់ការប្រកួត ២ មក​នេះ ព្រះខ័នរាជស្វាយរៀង ឈ្នះ ១ និងចាញ់ ១ មាន ៣ ពិន្ទុ កំពុងស្ថិតនៅចំណាត់ថ្នាក់លេខ៤ ក្នុងតារាងពូល B។

គួរ​បញ្ជាក់ថា ពានរង្វាន់​ជើង​ឯក​តំបន់​អាស៊ាន ASEAN Club Championship ​រៀបចំ​ឡើង​ ២​លើក​មក ​ឆ្នាំ​២០០៣ ជើង​ឯក​​ក្រុម East Bengal របស់​ឥណ្ឌា ក្រោយ​យក​ឈ្នះ​ក្រុម BEC Tero Sasana របស់​ថៃ នៅ​វគ្គ​ផ្ដាច់ព្រ័ត្រ ក្នុង​ទីក្រុង​ហ្សាកាតា ប្រទេស​ឥណ្ឌូណេស៊ី។

បន្ទាប់​មកនៅ​​ឆ្នាំ​២០០៥ ជើង​ឯក​បាន​ទៅ​ក្រុម Tampines Rovers របស់​សិង្ហបុរី ក្រោយ​យក​ឈ្នះ​​ក្រុម ​Pahang FA របស់​​ម៉ាឡេស៊ី ដោយ​លទ្ធផល ៤-២ នៅ​ទីក្រុង​បានដារសេរីបេហ្គាវ៉ាន់ ប្រទេស​ប្រ៊ុយណេ។

ឈាន​ដល់ រដូវ​កាល​​ឆ្នាំ២០២៤-២៥ Buriram United របស់ថៃ ​បាន​ក្លាយជាម្ចាស់​ជើងឯក ក្រោយ​យក​ឈ្នះ Cong An Hanoi របស់​វៀតណាម ដោយ​បាល់កាត់​សេចក្ដី ១១ម៉ែត្រ បន្ទាប់​ពី​ស្មើ​គ្នា​ ៥ទល់​និង៥ សរុប​ទាំង ២ជើង។

ចុង​ក្រោយនៅ​រដូវ​កាល​ឆ្នាំ២០២៥-២៦ ក្រុ​របស់​ថៃ Buriram United បាន​គ្រង់​ជើង​ឯក​ជាលើ​ទី២ ក្រោយ​យក​ឈ្នះ Selangor F.C. របស់​ម៉ាឡេស៊ី ក្នុង​លទ្ធផល សរុប​ទាំង ២ជើង ៣ទល់និង១ នៅ​ទឹក​ដី​របស់​ខ្លួន៕

Share.