អតីតខ្សែការពារ Man City កីឡាករ Nicolás Otamendi ព្រមទាំងប្រពន្ធ និងកូនប្រុសរបស់គាត់ត្រូវបានក្រុមចោរមួយក្រុមចូលប្លន់ក្នុងផ្ទះរបស់ពួកគាត់នៅទីក្រុង Lisbon ប្រទេសព័រទុយហ្គាល់ បន្ទាប់ពីការប្រកួត ក្រុម Benfica ចាញ់ ក្រុមSporting CP ១-៣ ក្នុងក្របខណ្ឌ Primeira Liga សប្តាហ៍ទី១៤។
សេចក្តីថ្លែងការណ៍របស់ក្លិប Benfica បានចេញមកបញ្ជាក់ថាបច្ចុប្បន្នខ្សែការពារអាហ្សង់ទីនរូបនេះ រួមទាំងប្រពន្ធ និងកូនប្រុសរបស់គាត់មានសុខភាពល្អ បើទោះបីមានឧបទ្ទវហេតុដ៏តក់ស្លុតក៏ដោយ។
យោងតាមរបាយការណ៍របស់ Correio da Manhã បានរាយការណ៍ថាក្រុមចោរមានគ្នាសរុបបួននាក់បានចូលប្លន់យកទ្រព្យសម្បត្តិជាច្រើនដូចជា៖ ខ្សែក,លុយមួយចំនួន និងនាឡិកាជាដើម។
