ក្នុងចំណោម៨ប្រកួតបើកឆាកតាមពូលនីមួយៗនៃពានរង្វាន់ Cambodian League Cup 2022 ដែលរៀបចំឡើងដោយក្រុមហ៊ុន Cambodian Premier League អាជ្ញាកណ្ដាលបានពិន័យកាតលឿងសរុបរហូតដល់២៦សន្លឹក (មិនទាន់មានកាតក្រហម) លើកីឡាករ២៤នាក់ និងគ្រូបង្វឹក២នាក់។
ក្នុងចំណោមគ្រូបង្វឹកទាំង១៦ ក្រុមមានគ្រូបង្វឹកក្រុម២មានគីរីវង់សុខសែនជ័យ ជនជាតិអេស្ប៉ាញ លោក Manuel Retameroនិងគ្រូបង្វឹកក្រុមភ្នំពេញក្រោន ជនជាតិអ៊ុយក្រែន លោក Oleg Starynskyi ត្រូវបានអាជ្ញាកណ្ដាលពិន័យកាតលឿងមុនគេក្នុងសប្ដាហ៍ទី១។
ចំណែកក្រុមដែលត្រូវពិន័យកាតលឿងច្រើនជាងគេគឺខេត្តកោះកុង ពេលប្រកួតទល់នឹងក្រុមគីរីវង់សុខសែនជ័យ ដោយក្នុងនោះមានកាតលឿង៤សន្លឹក ខណៈក្រុមសៀមរាបអែហ្វស៊ី,បឹងកេតនិងវិសាខា ជាក្រុមដែលមិនទាន់មានពិន័យកាតលឿងនៅឡើយទេ។
អត្ថបទពាក់ព័ន្ធ៖League Cup៖គីរីវង់,ស្វាយរៀង,ភ្នំពេញក្រោន,វិសាខា នាំមុខតាមពូលនីមួយៗ
សម្រាប់អាជ្ញាកណ្ដាលដែលចាយកាតលឿងច្រើនជាងគឺមាន២រូប ដោយចាយម្នាក់៥សន្លឹក ដោយក្នុងនោះលោកអាជ្ញាកណ្ដាល ស្រី សុវណ្ណារ៉េត ដឹកនាំការប្រកួតរវាងគីរីវង់សុខសែនជ័យ ជាមួយខេត្តកោះកុង និងលោក ហាក់ ដា ដឹកនាំការប្រកួតរវាងក្រុម Tiffy Army FC ប្រកួតទល់ជាមួយអគ្គីសនីកម្ពុជា៕
