ក្លិបបាល់ទាត់ Muangthong United បានប្រកាសនាំចូលអ្នកចាំទី Kawin Thamsatchanan ជាលើកទី២ ក្រោយចប់កិច្ចសន្យាជាមួយក្លិប Oud-Heverlee Leuven លីគកំពូលរបស់ប្រទេសបែលហ្សិក។
អ្នកចាំទីវ័យ៣២ឆ្នាំ និងមានកម្ពស់១,៨៣ម៉ែត្ររូបនេះ ធ្លាប់លេងឲ្យក្លិបបាល់ទាត់ Muangthong United រយ:ពេល១០ឆ្នាំគត់ ពោលគឺចាប់ពីឆ្នាំ ២០០៨-១៨ ដោយបង្ហាញខ្លួនបានចំនួន ២៤៧ប្រកួត។
ខណ:នៅក្នុងក្រុមជម្រើសជាតិថៃ Kawin Thamsatchanan គឺជាអ្នកចាំទីដៃទី១ ដោយធ្លាប់តាំងពីឈុត U16, U19, U23 និងឈុតធំ តាំងពីឆ្នាំ ២០០៦ រហូតដល់បច្ចុប្បន្នឈ្នះពានជាច្រើនដូចជា AFF Cup ៣ដង (2014, 2016 និង 2020)។ លើសពីនេះអ្នកចាំទី Kawin ក៏បានឈ្នះមេដាយមាស SEA Games លើកទី២៧ ជាមួយ U23 ថៃផងដែរ៕
