ព្រះរាជអាជ្ញារងអមសាលាដំបូងខេត្តពោធិ៍សាត់ កំពុងតែទទួលបានការចាប់អារម្មណ៍យ៉ាងខ្លាំងពីសំណាក់ មហាជនព្រោះតែរូបសម្រស់ស្រស់ស្អាតធ្វើឲ្យមានការភ័ន្តច្រឡំជាតារាសម្ដែងនិងតារាម៉ូដែល។
លោកស្រី ផាន់ សុគន្ធថង គឺជាព្រះរាជអាជ្ញារងនៃអយ្យការអមសាលាដំបូងខេត្ត ពោធិ៍សាត់ ដែលទើបតែត្រូវចាត់តាំងជាអ្នកនាំ ពាក្យរបស់អយ្យការអមសាលាដំបូង ខេត្តពោធិ៍សាត់ កាលពីថ្ងៃទី ៨ ខែ មិថុនា ឆ្នាំ ២០២១ កន្លងទៅតាមសេចក្ដីសម្រេចព្រះរាជអាជ្ញានៃអយ្យការអមសាលាដំបូងខេត្តពោធិ៍សាត់ ចេញដោយព្រះរាជអាជ្ញា កូយ កាន់យ៉ា។
ស្ត្រីជាអតីតនិស្សិតច្បាប់បញ្ចប់ការសិក្សាពី សកលវិទ្យាល័យ បញ្ញាសាស្ត្រ រូបនេះមិនមែនត្រឹមតែមានសមត្ថភាពខ្លាំងពូកែរៀន ចប់និងកំពុង បម្រើ ការងារជាមន្ត្រីរាជការប៉ុណ្ណោះទេ ថែមទាំងមានរូបសម្បត្តិស្អាត។
ក្រោយសេចក្ដីប្រកាសចាត់តាំងត្រូវ បានប្រកាស ជាសាធារណៈ មហាជន បានផ្ដោតការចាប់អារម្មណ៍លើ លោកស្រី យ៉ាងខ្លាំង រហូតមានអ្នកខ្លះឃើញរូបថត លោកស្រី ហើយ យល់ច្រឡំ ស្មានថា លោកស្រី គឺជា តារាសម្ដែង តារាម៉ូដែល ឬ ជាបវរកញ្ញាទៅវិញ ។
លោក ស្រី ផាន់ សុគន្ធថង ព្រះរាជអាជ្ញារងនៃ អយ្យការអមសាលាដំបូង ខេត្តពោធិ៍សាត់ ដែលទើបត្រូវចាត់ តាំងជាអ្នកនាំពាក្យ របស់ អយ្យការអមសាលាដំបូង ខេត្ត ពោធិ៍សាត់ គឺជា កូនស្រី នៅក្នុងត្រកូល អ្នកច្បាប់ដែលមានសមាជិកក្រុមគ្រួសារនិងសាច់ ញាតិជាអ្នកច្បាប់ទាំងអស់ ៕
