សិល្បៈអន្តរជាតិ៖ V សមាជិក BTS បានបង្ហាញចំណាប់អារម្មណ៍របស់ខ្លួនថា «បេះដូងខ្ញុំឈឺចាប់ណាស់» ក្រោយអ្នកគាំទ្រមកចាំទទួលខ្លួនណែនក្ដន់ពេញក្នុងព្រលានយន្តហោះ ពេលលោកត្រលប់មកពីប៉ារីសវិញ។
ក្នុងដំណើរត្រលប់មកពីប៉ារីសវិញ អ្នកគាំទ្រជាច្រើនបានសំរុកមកព្រលានយន្តហោះដើម្បីបានមើលឃើញលោកដែលធ្វើឱ្យតារារូបនេះបង្ហាញការព្រួយបារម្ភជាខ្លាំង។ ក្រោយមក V បានស្នើឱ្យគ្រប់គ្នាចេញឱ្យឆ្ងាយពីស្ថានភាពមួយនេះព្រោះអាចនឹងបណ្ដាលឱ្យរងរបួស ហើយនេះក៏ជាមូលហេតុដែលលោកចាំបាច់ត្រូវបង្ហាញពីការព្រួយបារម្ភពីសុវត្ថិភាពរបស់អ្នកគាំទ្រ។
រឿងហេតុកើតឡើងនៅពេលដែល Kim Taehyun (V) ត្រលប់មកពីប៉ារីស បន្ទាប់ពីទៅបរទេស ដោយមិនបានបញ្ជាក់កាលបរិច្ឆេទ ហើយបានត្រលប់មកកូរ៉េកាលពីថ្ងៃទី២០ ខែវិច្ឆិកា ឆ្នាំ២០២២។ ក្រោយបញ្ចប់ការងារនិងត្រលប់កាន់មាតុប្រទេសវិញ ស្រាប់តែមានមនុស្សច្រើនកុះករមកព័ទ្ធជុំវិញលោក ដោយមនុស្សទាំងនោះព្យាយាមថតរូបសន្លឹក និងវីដេអូរបស់តារារូបនេះ។ មុននឹងប្រញាប់ចាកចេញទៅកាន់ឡាន V នៅតែលើកដៃបាយបាយ ឱ្យអ្នកគាំទ្ររបស់ខ្លួន បន្ទាប់ពីឡើងឡាននិងមានពេលវេលាបានឆែក Instagram ដើម្បីនិយាយពីរឿងនេះ។ ទោះជាស្ថានការណ៍នៅពេលនោះរញ៉េរញ៉ៃយ៉ាងណាក្ដី V មិនបានប្រើសម្ដីដោយកំហឹងនោះឡើយប៉ុន្តែគេបែរជាបង្ហាញពីការព្រួយបារម្ភចំពោះសុខសុវត្ថិភាពរបស់អ្នកគាំទ្រទៅវិញ។
«តើមិនមានអ្នកកាសែតនិងអ្នកគាំទ្រ របួសទេមែនទេ? រាល់ពេលមកដល់ប្រទេសខ្ញុំពិតជាបារម្ភណាស់។ ខ្ញុំបានឃើញអ្នកគ្រប់គ្នា (ARMY) ខ្ញុំរីករាយណាស់ ប៉ុន្តែពេលឃើញបងប្អូនដួល ឃើញបងប្អូនបុកគ្នា បេះដូងខ្ញុំពិតជាឈឺចាប់ណាស់។ ចាប់ពីពេលនេះ បើយើងបានជួបគ្នាដោយមិនមានរបួស ឬដួលច្បាស់ជាល្អមិនខាន។
នេះមិនមែនជាលើកទីមួយឡើយដែលមានហេតុការណ៍បែបនេះកើតឡើង ប៉ុន្តែនៅរាល់ពេលមានហេតុការណ៍នេះ V មិនដែលភ្លេចដាស់តឿន និងក្រើនរំលឹកចំពោះអ្នកគាំទ្រខ្លួនឱ្យប្រុងប្រយ័ត្ន និងចេញឱ្យឆ្ងាយពីស្ថានការណ៍បែបនេះ ព្រោះអាចនឹងបណ្ដាលឱ្យរងរបួសបាន៕
ប្រភព៖ zoomtventertainment