Jung Ilhoon អតីតសមាជិកក្រុមចម្រៀង K-pop ដ៏ល្បី BTOB ត្រូវបានតុលាការកាត់ក្ដីឱ្យជាប់ពន្ធនាគារចំនួន២ឆ្នាំ និងពិន័យជាទឹកប្រាក់ ១៣០ លានវ៉ុន (ប្រមាណ ១១៦,៣៤៥ លានដុល្លារ) ពីបទទិញនិងជក់កញ្ឆាបានដាក់ប្ដឹងឧទ្ធរណ៍។
វែបសាយ Allkpop បានផ្សាយថា យោងតាមសំដីអ្នកតំណាង អតីតសមាជិក BTOB មិនយល់ស្របចំពោះសេចក្ដីសម្រេចរបស់តុលាការនោះទេ ដូច្នេះលោកបានដាក់ប្ដឹងយឧទ្ធរណ៍ទៅកាន់តុលការកណ្ដាលក្រុងសេអ៊ូល។
សូមចុចអាន តារាសម្ដែងមួយក្រុមនេះជួបរឿងស៊យធំ គ្មានសង្ឃឹមនឹងទទួលបានប្រាក់ថ្លៃកម្លាំងពលកម្មថតរឿងនោះទេ!
Ilhoon ត្រូវបានចាប់ខ្លួនបញ្ជូនទៅតុលាការកាន់ពីឆ្នាំមុននឹងត្រូវបានចោទប្រកាន់លើការប្រើប្រាស់កញ្ឆាចំនួន១៦១លើក ចាប់តាំងពីឆ្នាំ២០០១៦ រហូតដល់ឆ្នាំ២០១៩។
សូមចុចអាន Hyun Bin ព្យួរចោលការងារសម្ដែង១ឆ្នាំពេញដើម្បី ត្រៀមរៀបចំអាពាហ៍ពិពាហ៍ឆ្នាំ ២០២២
នៅក្នុងការកាត់ក្ដីកាលពីខែមុន មេធាវីរបស់ Ilhoon បានលើកឡើងថា «ជនជាប់ចោទមានការឈឺចាប់យ៉ាងខ្លាំង» ខណៈសាមីខ្លួន Ilhoon បានការពារខ្លួនដោយនិយាយថា៖ «ខ្ញុំរស់នៅក្នុងសម្ពាធខ្លាំង ខ្ញុំធ្វើការងារនៅក្នុងឧស្សាហកម្មតន្ត្រីចាប់តាំងពីអាយុនៅក្មេង ក្នុងនោះមានទាំងពេលខ្ញុំស្ថិតក្នុងការហ្វឹកហាត់ និង ការនិពន្ធតន្ត្រី តែខ្ញុំជ្រើសរើសវិធីខុសមកបន្ធូរបន្ថយភាពតានតឹងខ្លួនឯង»។
ទោះជាយ៉ាងនេះក្ដីកាលពីថ្ងៃទី១០ ខែមិថុនា កន្លងទៅថ្មីៗនេះ Ilhoon ត្រូវបានតុលាការកាត់ក្ដីឱ្យជាប់ពន្ធនាគារចំនួន២ឆ្នាំ ហើយពិន័យជាប្រាក់ចំនួន ១៣០លានវ៉ុន (ប្រមាណជា១១៦,៣៤៥លានដុល្លារ)។
ព័ត៌មានបន្ថែមពាក់ព័ន្ធនឹងករណីនេះនឹងទៅជាយ៉ាងណាទៀតនោះ សារព័ត៌មានត្រយងនឹងលើកមកផ្សាយជូនប្រិយមិត្តអ្នកអានជាបន្តបន្ទាប់ទៀត។
