សិល្បៈអន្តរជាតិ៖ អ្នកគាំទ្រ CL បានចេញមកបង្ហាញចំណុចសំខាន់ៗជាច្រើន ដែលសបង្ហាញឱ្យឃើញថាតារាចម្រៀង KPOP រូបនេះស័ក្ដិសមបំផុតនឹងទទួលបានងារថា «ស្នេហាដំបូងនៃប្រទេសកម្ពុជា» ព្រោះអ្វីដែលនាងបានលះបង់មិនត្រឹមតែដើម្បីតន្ត្រីនោះទេ តែក៏ដើម្បីមនុស្សជាតិទាំងមូលផងដែរ។
អ្នកគាំទ្រខ្មែរដែលគាំទ្រក្រុម 2NE1 បានបង្កើតនិងដាក់ឈ្មោះគណនីហ្វេសប៊ុករបស់ខ្លួន Park bom Lee ដើម្បីចែករំលែកព័ត៌មានស្ដីពីតារាចម្រៀង 2NE1 ក៏ដូចជាបង្ហាញសេចក្ដីស្រលាញ់និងការគាំទ្រចំពោះក្រុមចម្រៀងមួយនេះ។ ថ្មីៗនេះនៅពេលដែល CL បានត្រលប់មកច្រៀងនិងសម្ដែង Concert នៅប្រទេសកម្ពុជាសារជាថ្មីនោះ អ្នកគាំទ្របានផ្ដោតការចាប់អារម្មណ៍ចំពោះតារាស្រីរូបនេះជាពិសេស នោះក៏ដោយសារតែ CL បានបង្ហាញឱ្យអ្នកគាំទ្រកម្ពុជាមើលឃើញថាខ្លួន ស្រលាញ់អ្នកគាំទ្រនៅកម្ពុជាមិនចាញ់ អ្នកគាំទ្របណ្ដាប្រទេសផ្សេងៗនោះឡើយ។
យោងតាមការបង្ហោះរបស់គណនី Park Bom Lee នេះអាចជាសក្ខីកម្មមួយជួយឱ្យទាំងអ្នកគាំទ្រ ក៏ដូចជាសាធារណជន ទទួលស្គាល់ថាតារាស្រីរូបនេះស័ក្ដិសមនឹងទទួលបានងារជា «ស្នេហាដំបូងនៃប្រទេសកម្ពុជា»។ខាងក្រោមនេះគឺជាការបកប្រែមិនផ្លូវការជាខេមរៈភាសាដើម្បីឱ្យអ្នកអានងាយស្រួលយល់៖
«យើងគ្រប់គ្នាសុទ្ធតែដឹងថា CL និងមិត្តរួមក្រុម 2NE1 មានឥទ្ធិពលខ្លាំងធ្វើឱ្យវិស័យតន្ត្រី KPOP ល្បីល្បាញជាសកលលោក ប៉ុន្តែថ្ងៃនេះខ្ញុំនៅទីនេះសូមនិយាយថា CL មានទំនួលខុសត្រូវច្រើនលើសពីនេះទៀតចំពោះវិស័យ KPOP មានការរីកចម្រើន មិនថាឯករាជ្យភាព Fashion ទាន់សម័យ ការបង្ហាញខ្លួនលើឆាក ការតុបតែងខ្លួន អំពើល្អ ការលើកទឹកចិត្ត ការមានឥទ្ធិពល ការគាំទ្រ និងជាសំឡេងមួយសម្រាប់ក្រុម LGBTQ+ ប្រទេសអាស៊ាន និងចលនាបញ្ហាជីវិតខ្មៅ (BLM=Black Live Matter)។ CL គឺជាតារាចម្រៀងម្នាក់ដែលមានទឹកចិត្ត ហើយបើនិយាយនៅក្នុងករណីប្រទសកម្ពុជាវិញនោះ CL ស័ក្ដិសមណាស់នឹងងារជា «ស្នេហាដំបូងនៃកម្ពុជា»។
ការលើកឡើងរបស់គណនីនេះទទួលបានការគាំទ្រពីសំណាក់អ្នកគាំទ្ររបស់ CL ដោយគ្រប់គ្នាសុទ្ធតែយល់ស្របដូចៗគ្នាចំពោះអ្វីដែល FB Account បានលើកយកមកចែករំលែកដូចខាងលើ៕
