សហព័ន្ធកីឡាបាល់ទាត់ថៃ បានប្រកាសបញ្ជីឈ្មោះកីឡាករជម្រើសជាតិបុរសចំនួន២៤នាក់ចុងក្រោយ ដើម្បីត្រៀមធ្វើការប្រកួតមិត្តភាពអន្តរជាតិ ក៏ដូចជាត្រៀមចេញប្រកួតដណ្តើមពានរង្វាន់បាល់ទាត់ធំប្រចាំតំបន់អាស៊ាន AFF Mitsubishi Electric Cup ចុងឆ្នាំនេះ។
ក្រុមដំរីសឹក ថៃ ស្ថិតក្នុងពូល A ជាមួយកម្ពុជា ហ្វីលីពីន ឥណ្ឌូណេស៊ី និងប្រ៊ុយណេ ខណៈប្រកួតបើកឆាកក្រុមថៃ ត្រូវធ្វើដំណើរទៅទីក្រុងកូឡាឡាំពួរ ប្រទេសម៉ាឡេស៊ី ដើម្បីប្រកួតជាមួយក្រុមទីម័រខាងកើត នៅថ្ងៃទី២០ ខែ ធ្នូ ឆ្នាំ២០២២ ខាងមុខ។
អត្ថបទពាក់ព័ន្ធ៖នាយករដ្ឋមន្រ្តីថៃ៖ បើបាល់ទាត់មិនឈ្នះមេដាយមាសទាំង២គ្រឿងពីស៊ីហ្គេមនៅកម្ពុជា អ្នកណាទទួលខុសត្រូវ?
ការកោះហៅកីឡាកររបស់លោកគ្រូបង្វឹក Alexandré Pölking ប្រេស៊ីលកាត់អាល្លឺម៉ង់ លើកនេះមានកីឡាករ ៥នាក់មកពីក្លិប Muangthong United ៤នាក់មកពី Burriram United, BG Pathum United និង Chonburi ក្លិប Chiangrai United ២នាក់ ក្លិប Port ២នាក់ ក្លិបRatchaburi, Police Tero និង Kedah Darul Aman F.C មាន១នាក់ដូចគ្នា។
#OFFICIAL ประกาศรายชื่อ 24 แข้งช้างศึก ชุดชิงแชมป์อาเซียน พร้อมเก็บตัวอุ่นเครื่องกับ เมียนมา และ ไชนีส ไทเป
— Changsuek (@Changsuek_TH) December 1, 2022
รายละเอียด : https://t.co/XSbWbimA1H#ช้างศึก #ทีมชาติไทย #Changsuek #บอลไทย #ฟุตบอลไทย #AFFChampionship #ฟุตบอลชิงแชมป์อาเซียน2022 #AFFMitsubishiElectricCup2022 pic.twitter.com/RbF71mYm9w
មុនការប្រកួតផ្លូវការមកដល់ក្រុមថៃ ត្រូវប្រកួតមិត្តភាពអន្តរជាតិ ចំនួន២លើកសិន ដោយក្នុងនោះត្រូវជួបមីយ៉ាន់ម៉ា នៅថ្ងៃទី១១ ធ្នូ និងបន្តជួបតៃវ៉ាន់ នៅថ្ងៃទី១៤ ធ្នូ ឆ្នាំ២០២២ នៅខេត្ត Pathum Thani។
អត្ថបទពាក់ព័ន្ធ៖ថៃ ណាត់មីយ៉ាន់ម៉ា និងតៃវ៉ាន់ ប្រកួតមិត្តភាពអន្តរជាតិមុនចូលរួមពាន2022 AFF Championship
ក្រុមថៃ ធ្លាប់ឈ្នះជើងឯកពានរង្វាន់ AFF Championship ដែលប្តួរឈ្មោះ AFF Mitsubishi Electric Cup ចំនួន៦លើក គឺនៅឆ្នាំ១៩៩៦,២០០០,២០០២,២០១៤,២០១៦និង២០២០ ខណៈក្រុមនេះឈរជើងឯករង ឆ្នាំ២០០៧,២០០៨ និង២០១២ ផងដែរ៕
