លោក EBINE KOUDAI គ្រូបង្វឹកអ្នកចាំទីជនជាតិជប៉ុន ដែលបានជួយឱ្យក្រុម អាយ.អេស.អាយ ដង្កោសែនជ័យ ឈរលេខ២ក្នុងពានរង្វាន់លីគទី២កម្ពុជា Cambodian League 2 រដូវកាល២០២២នេះបានទៅចូលរួមជាមួយក្រុមយុវជនសាលាបាល់ទាត់ជាតិបាទី ហើយ។
សំណេរនៅលើ Twitter ផ្លូវការរបស់ខ្លួនលោក EBINE KOUDAI៖ «ខ្ញុំបានតែងតាំងជាគ្រូបង្វឹករបស់ក្រុមយុវជនសាលាបាល់ទាត់ជាតិ ក្រោមអាយុ១៨ឆ្នាំ នៅមជ្ឍមណ្ឌលសាលាបាល់ទាត់ជាតិបាទី។ សូមជួយគាំទ្រផង»។
Thank you & Good Luck EBINE KOUDAI !#OneHeart #OnePath #isidangkorsencheyfc pic.twitter.com/Hm4lmm5mnE
— ISI Dangkor Senchey FC (@isidscfc) November 24, 2022
ការតែងតាំងនេះគឺក្រោយពេលដែលក្លិប ISI ប្រកាសចែកផ្លូវជាមួយគ្រូបង្វឹកអ្នកចាំទីរូបនេះកាលពីថ្ងៃទី២៤ ខែវិច្ឆិកា ឆ្នាំ២០២២ កន្លងទៅ ខណៈលោកបានធ្វើការស្អិតល្មួតជាមួយអ្នកចាំទីដ៏សំខាន់ទាំង៣នាក់ ដូចជា ឆេង ចាន់ថា, ឈិន ឆៃនុត, គង់ រ៉ាហ្វាត់ បន្ទាប់ពីលោកត្រឡប់មកជួយក្រុមមួយនេះវិញ នៅថ្ងៃទី៦ ខែកញ្ញា ឆ្នាំ២០២១ កន្លងទៅ៕
រូបថត៖ ISI
