ព្រឹត្តិការណ៏បាល់ទាត់ពិភពលោក FIFA World Cup ដែលមានភាពល្បីល្បាញខ្លាំង ធ្វើដំណើរបាន៩២ឆ្នាំហើយ ស្របពេលមានរឿងរ៉ាវជាច្រើនសុទ្ធតែកើតមានឡើងមិនគួរអោយជឿ។
សារព័ត៌មានត្រយង សូមដកស្រង់ជុំវិញបរាជ័យទាំង៧ ដែលមិនគួរឲ្យជឿរក្នុងប្រវត្តិសាស្រ្តរបស់ World Cup៖
ទី១. ក្នុងឆ្នាំ១៩៥០ ការប្រកួតរវាងក្រុមបាល់ទាត់សហរដ្ឋអាមេរិក ទល់និងក្រុមជម្រើសជាតិអង់គ្លេល សម្រាប់ការប្រកួត World Cup ជាលើកដំបូងរបស់អាមេរិក អមដោយជ័យជម្នះលើ អង់គ្លេលដោយលទ្ធផល ១ ទល់និង ០។ កាលនោះប្រទេសអង់គ្លេស ជាប្រទេសមហាអំណាចមួយរបស់កីឡាបាល់ទាត់ត្រូវបានរលាយ ដោយកីឡាររបស់សហរដ្ឋអាមេរិក គឺកីឡាករ Joe Gaetjens បានស៊ុតបាល់បញ្ចូលទីគ្រាប់បាល់ជ័យជម្នះនេះ។
ទី២. ឆ្នាំ១៩៦៦ ក្រុមជម្រើសជាតិនៃប្រទេសកូរ៉ខាងជើង បានយកឈ្នះក្រុមបាល់ទាតិជម្រើសជាតិ អ៊ីតាលី ដោយលទ្ធផល ១ ទល់នឹង ០ ហើយកាលនោះរកបានដោយកីឡាករពាក់អាវលេខ ៧ Pak Doo-ik នៅនាទី៤២ លើទឹកដីនៃប្រទេសអង់គ្លេស។
ទី៣. នៅឆ្នាំ១៩៨២ ក្រុមជម្រើសជាតិអាល់ហ្សេរី បានយកឈ្នះលើក្រុម អាឡឺម៉ង់ខាងលិច ដោយលទ្ធផល ២-១ ស្របពេលដែលប្រទេសអាល់ហ្សេរី បានឡើងទៅដល់វគ្គផ្តាច់ព្រ័ត្រ World Cup លើទឹកដីនៃប្រទេសអេស្បាញ ហើយនេះជាប្រត្តិសាស្រ្ត របស់ក្រុមមកពីទ្វីបអាហ្រ្វិក ក្នុងពានរង្វាន់ World Cup លើកដំបូងមិនធ្លាប់មានរបស់ពួកគេ។
ទី៤. នៅឆ្នាំ១៩៩០ ក្រុមជម្រើសជាតិកាមេរូន បានយកឈ្នះលើក្រុមជម្រើសជាតិអាហ្សង់ទីន ដោយលទ្ធផល ១ ទល់នឹង ០ ហើយលទ្ធផលនេះធ្វើឲ្យក្រុមជម្រើសជាតិ កាមេរូន ឡើងទៅវគ្គ៤ ក្រុមចុងក្រោយនៃព្រឹត្តិការណ៏ World Cup ដោយគ្រានោះប្រទេសអ៊ីតាលី ជាម្ចាស់ផ្ទះ។
ទី៥. ក្រុមជម្រើសជាតិបារាំង បានខកខានដំណើររបស់ខ្លួនក្នុងព្រឹត្តិការណ៏ FIFA World Cup ឆ្នាំ២០០២ ដោយបានចាញក្រុមជម្រើសជាតិសេណេហ្គាល់ ដោយលទ្ធផល ១ ទលនឹង ០ ដោយថ្វីជើងកីឡាករ Papa Bouba Diop នៅនាទី៣០ ខណៈប្រទេសជប៉ុន នឹងកូរ៉េខាងត្បូងជាសហម្ចាស់ផ្ទះ។
ទី៦. ក្រុមជម្រើសជាតិកូរ៉េខាងត្បូង បានយកឈ្នះក្រុមជម្រើសជាតិអាល្លឺម៉ុង ២ ទល់និង ០ ធ្វើឲ្យអតីតជើងឯក២០១៤ នេះបាតឱកាសឡើងជុំបន្ទាប់។
ទី៧. ក្រុមជម្រើសជាតិអារ៉ាប់ប៊ីសាអូឌីត បានយកឈ្នះលើក្រុមជម្រើសជាតិអាហ្សង់ទីន ដែលជាម្ចាស់ពានជើងឯកប្រចាំទ្វីបអាមេរិកខាងត្បូង ដោយលទ្ធផល ២ទល់១ ក្នុងវគ្គជម្រុះតាមពូល ពាន World Cup 2022 ថ្មីៗនេះ។
ទី៨. ក្រុមជម្រើសជាតិជប៉ុន យកឈ្នះលើក្រុមអាល្លឺម៉ង់ ដែលជាម្ចាស់ជើងឯក World Cup ៤សម័យកាលដោយលទ្ធផល ២ទល់១ ក្នុងវគ្គជម្រុះតាមពូល ពាន World Cup 2022 ថ្មីៗនេះ។
មានរឿងរ៉ាវជាច្រើនដែលកើតមានឡើងក្នុងព្រឹត្តិការណ៍នៃការប្រកួតពានរង្វាន់ FIFA World Cup ក្នុងរយៈពេល២២លើកនៃការប្រកួតរាល់៤ឆ្នាំម្តងបើគិតពីឆ្នាំ១៩៣០ មក។ សារព័ត៌មានត្រយង នឹងផ្សាយជូនជាបន្តបន្ទាប់៕
