ទ្វីបអាមេរិកខាងជើង ឬហៅថាតំបន់ CONCACAF បានរកឃើញបេក្ខភាពឡើងទៅប្រកួតវគ្គជម្រុះជុំចុងក្រោយ ឬហៅថាជុំទី៣ ហើយក្នុងវគ្គជម្រុះពានរង្វាន់ជើងឯកពិភពលោក 2022 FIFA Worl Cup Qatar ក្រោយបញ្ចប់វគ្គប្រកួតជុំទី២ ក្រុម៣មានកាណាដា, ប៉ាណាម៉ា និងអែលសាល់វាឌ័រ ជាក្រុមខ្លាំង ក្រោយបញ្ចប់ការប្រកួតនៅព្រឹកថ្ងៃពុធ ទី១៦ ខែមិថុនា ឆ្នាំ២០២១ នេះ។
Three nations complete the @Concacaf Final Round line-up #WorldCup 🌎
— FIFA World Cup (@FIFAWorldCup) June 16, 2021
🇨🇼 Curaçao 0-0 Panama 🇵🇦 (Agg. 1-2)
🇨🇦 Canada 3-0 Haiti 🇭🇹 (Agg. 4-0)
🇸🇻 El Salvador 2-0 St. Kitts and Nevis 🇰🇳 (Agg. 6-0)
All the day's action reviewed 👉 https://t.co/zbVt6VbvXf pic.twitter.com/5qxMjcuKvC
ទ្វីបអាមេរិកខាងជើង មានកូតាចំនួន៣កៅអីកន្លះ ដើម្បីទៅចូលរួមប្រកួតក្នុងវគ្គ៣២ក្រុមចុងក្រោយ មកពីទ្វីបនានាប្រចាំពិភពលោកដែលធ្វើឡើងនៅប្រទេសកាតារ ឆ្នាំ២០២២ខាងមុខ។ ចំណែករូបមន្តប្រកួតវិញ គឺកំណត់ឱ្យក្រុមមានចំណាត់ថ្នាក់ FIFA ខ្ពស់ជាងគេក្នុងទ្វីបចំនួន៥ អង្គុយចាំនៅវគ្គជុំទី៣ ហើយប្រទេសផ្សេងៗទៀតត្រូវប្រកួតជម្រុះនៅវគ្គដំបូង និងវគ្គជុំទី២សិន។
ក្រុមដែលឈរចាំនៅវគ្គជុំទី៣ ទាំង៦ក្រុមមាន ម៉ិចស៊ីកូ (លេខ១១ពិភពលោក) អាមេរិក (លេខ២២ពិភពលោក) កូស្តារីកា (លេខ៤៦ពិភពលោក) ចាម៉ៃកា (លេខ៤៨ពិភពលោក) ហុងឌុយរ៉ាស់ (លេខ៦២ពិភពលោក)។ ដូច្នេះក្រុមបន្ថែមមកពីវគ្គជម្រុះជុំទី២ប្រចាំទ្វីបមាន កាណាដា, ប៉ាណាម៉ា និងអែលសាល់វាឌ័រ។
វគ្គជម្រុះជុំទី៣ នេះគ្រោងធ្វើពីខែសីហា ឆ្នាំ២០២១ ដល់ខែមីនា ឆ្នាំ២០២២ ដោយឱ្យក្រុមទាំង៨ ប៉ះគ្នាចំនួន២លើក សន្សំពិន្ទុ ហើយក្រុមដែលមានពិន្ទុច្រើនជាងគេ៣ក្រុម ត្រូវទទួលសំបុត្រយន្តហោះទៅកាតារ ហើយក្រុមដែលនៅឈរចំណាត់ថ្នាក់លេខ៤ ត្រូវចាប់ឆ្នោតទៅប្រកួតជម្រុះជាមួយក្រុមតំណាងទ្វីបនានា ដែលមានកៅអីកន្លះដូចគ្នា៕