នៅព្រឹកថ្ងៃទី៨ ខែធ្នូ ក្លិបបាល់ទាត់ព្រះខ័នរាជស្វាយរៀង បានប្រកាសចែកផ្លូវជាមួយខ្សែប្រយុទ្ធស្លាប Victor Blasco ក្រោយបញ្ចប់លីគកំពូលកម្ពុជា Cambodian Premier League 2022។
ខ្សែប្រយុទ្ធ Victor Blasco គឺអតីតកីឡាករ Deportivo y Social VIDA ម្ចាស់ជើងឯក ២សម័យលីគកំពូលហុងឌូរ៉ាស ដោយបានយល់ព្រមចូលរួមជាមួយក្រុមបាល់ទាត់ព្រះខ័នរាជស្វាយរៀង កាលពីជុំទី២ នៃលីគកំពូលកម្ពុជា។
កីឡាករវ័យ២៧ឆ្នាំរូបនេះ ក៏ជាអតីតយុវជនថ្នាលរបស់ក្រុមអ្នកមានបុណ្យ FC Barcelona ដោយរូបនេះមានដើមកំណើតនៅទីក្រុង Barcelona ប្រទេសអេស្ប៉ាញ តួនាទីជាខ្សែប្រយុទ្ធស្លាបឆ្វេង មានកម្ពស់ ១.៧៨ម៉ែត្រ។
សម្រាប់រដូវកាលឆ្នាំ២០២២នេះ មានចំណាត់ថ្នាក់រួមដូចជា៖
ជើងឯក ៖ ភ្នំពេញក្រោន ៥២ពិន្ទុ
ជើងឯករង៖ វិសាខា ៥២ពិន្ទុ
លេខ៣៖ ព្រះខ័នរាជស្វាយរៀង ៤៩ពិន្ទុ
លេខ៤៖ បឹងកេត ៣៩ពិន្ទុ
លេខ៥៖ ណាហ្គាវើល ២៩ពិន្ទុ
លេខ៦៖ Tiffy Army FC ២៣ពិន្ទុ
លេខ៧៖ អង្គរថាយហ្គឺរ ២១ពិន្ទុ
លេខ៨៖ គីរីវង់សុខសែនជ័យ ៥ពិន្ទុ៕