សិល្បៈជាតិ៖ កូនក្រមុំអតីតតារាចម្រៀងលោកឈិន កុសល គឺស្រីស្រស់ឈិន មុនីនាថ តែងតែបង្ហាញសកម្មភាពស្និតស្នាល និងព្រួយបារម្ភចំពោះពិធីករសង្ហា ខេង រតនៈ ហៅនាយព្រែក។ បើទោះអ្នកទាំងពីរអះអាងថា ជាដៃគូការងារជាមួយគ្នា តែហ្វេននៅតែរំពឹងថា មិនយូរទេច្បាស់ជាមានដំណឹងល្អជាមិនខាន។
ថ្មីៗនេះ ឈិន មុនីនាថ តាមលើកទឹកចិត្តនាយ ព្រែក គ្រប់ទីកន្លែង សូម្បីតែទីតាំងថតរឿងក៏កញ្ញាតាម Take Care នាយព្រែកដល់ទីតាំង។ តារាស្រីរូបនេះបង្ហោះរូបភាពកោយស្នានាយ ព្រែក ហើយនិយាយរៀបរាប់ថា៖ « មកផ្ដល់កម្លាំងចិត្ត អ្នកតស៊ូដ៏អស្ចារ្យ នាយ ព្រែក»។
នៅលើបណ្ដាញសង្គមហ្វេសប៊ុក អ្នកទាំងពីរកាន់តែបង្ហាញាភាពស្អិតល្មូតកៀកកើយគ្នាដូចគូស្នេហ៍ពិត បើទោះបីជាសម្ដែងក៏មើលទៅមិន Fake។ ជាញឹកញាប់គេឃើញនាយព្រែក និង មុនីនាថ ដើរតាមគ្នាស្ទើគ្រប់ជំហ៊ានតែម្ដង ហើយតួឯកស្រីរបស់យើង ក៏បង្ហាញភាពជិតស្និតជាមួយយាយ យ៉យ ដែលជាម្ដាយរបស់នាយព្រែកដូចគ្នាដែលមើលចិត្តដូចជាយល់ចិត្តថ្លើមគ្នាខ្លាំង ទំនងជាទំនាក់ទំនងរបស់ពួកគេត្រូវបានគ្រួសារទាំងសងខាងដឹងឭហើយគ្មានអ្នកណាម្នាក់ជំទាស់ឡើយ។
ចង្កោមអ្នកសិល្បៈតែងតែនិយាយតៗគ្នាថា ថាពេលនេះកូនស្រីលោក ឈិន កុសល ជិតក្លាយជាកូនប្រសារយាយ យ៉យ ទៅហើយ មិនយូទេពួកគេអាចនឹងមានដំណឹងល្អជាមួយគ្នាជាមិនខាន។ បើមើលទៅលើការចុះសម្រុងគ្នារវាងឈិន មុនីនាថ និងនាយព្រែក នោះច្បាស់ណាស់ថាពេលនេះគូស្នេហ៍យុវវ័យមួយគូនេះ ចិត្តមួយថ្លើមមួយនិងគ្នាទៅហើយ។
ពីលើកមុន នាយ ព្រែក ធ្លាប់អះអាងថា សម្រាប់ទំនាក់ទំនងលោកនិងកញ្ញា ឈិន មុន្នីនាថ សព្វថ្ងៃនេះបើទោះបីជាប្រាប់មហាជនថា លោកនិងកញ្ញាគ្រាន់តែជិតស្និទ្ធគ្នាក៏គ្មានអ្នកណាជឿដែរ បើទោះបីជាប្រាប់ថាស្រឡាញ់គ្នាក៏គ្មានអ្នកណាជឿដែរ ។ អីចឹងហើយ រឿងស្នេហាទុកឱ្យមហាជនជាអ្នកដាក់ពិន្ទុរ ហ្វេនអ្នកគាំទ្រធ្លាប់បាននិយាយថា កញ្ញា ឈិន មុន្នីនាថ មានរូបសម្រស់ស្រស់ស្អាតខ្លាំង ប្រហែលមិនអាចងាកមកចាប់អារម្មណ៍សម្លឹងមើលបុរសមិនមានរូបរាងសង្ហាដូចលោកយកជាគូអនាគតនោះទេ។
រឿងទំនាក់ទំនងរវាង តារាស្រីរាងតូចច្រលឹង ឈិន មុនីនាថ និងនាយ ព្រែក អ្នកសារព័ត៌មានយើងកំពុងតាមសុំការបំភ្លឺបន្ថែមពីអ្នកទាំងពីរផងដែរ ដើម្បីស្រាយចង្ងល់ហ្វេន។ ប៉ុន្តែហ្វេនកំពុងរងចាំជូនពរអ្នកទាំងផងដែរ៕
