សិល្បៈអន្តរជាតិ៖ ថ្មីៗនេះមានការភ្ញាក់ផ្អើលខ្លាំងមួយដែរពាក់ព័ន្ធនឹងទាយាទរបស់តារាសម្ដែងហូលីវូដល្បីល្បាញ ក្រោយមានបុរសហ្វីលីពីនមួយរូបចេញមកអះអាងថាខ្លួនគឺជាកូនប្រុសម្នាក់របស់ Johny Depp ប៉ុន្តែសាមីខ្លួនមិនទទួលស្គាល់និងជឿលើអ្វីដែលបុរសរូបនោះបានលើកឡើងនោះឡើយ។
Johnny Depp មានកូនចំនួន ២នាក់ដែលមហាជនបានដឹងនោះគឺ Lily-Rose Depp វ័យ២៣ និង Jack Depp វ័យ២០ ជាមួយនឹងអតីតភរិយានាង Vanessa Paradis ដោយឡែកនៅពេលដែលយុវជនម្នាក់ឈ្មោះ James បានចេញមកប្រកាសថាខ្លួនគឺជាកូនប្រុសម្នាក់របស់ Depp ដែរនោះ ធ្វើឱ្យតារាហូលីវូដមិនជឿថាលោកមានពាក់ព័ន្ធនឹងយុវជនម្នាក់នោះទាល់តែសោះ ព្រោះលោកបញ្ជាក់ថាលោកមិនមានការចង់ចាំណាមួយនៅក្នុងជីវិតដែលអាចនាំឱ្យលោកជឿថាលោកមានកូនម្នាក់ទៀតនោះឡើយ។
នៅក្នុងវីដេអូ Tiktok យុវជន James បានចេញមកអះអាងថាម្ដាយលោក និង Johnny Depp បានជួបគ្នានៅហ្វីលីពីន ហើយលោកថែមទាំងបង្ហាញភស្ដុតាងថាជារូបភាពម្ដាយលោកនិង Johnny Depp ថែមទៀតផង។ លោកបន្តទៀតថា Depp បានមកប្រទេសហ្វីលីពីននៅឆ្នាំ ១៩៨៦ ដើម្បីថតភាពយន្ត។
«ស្ដ្ត្រីដែលអង្គុយក្បែរគាត់នៅក្នុងឈុតសម្ដែងនោះ ខ្ញុំជឿថាគាត់ជាម្ដាយរបស់ខ្ញុំ។» James បានបង្ហាញរូបថតមនុស្សស្រីដែលលោកអះអាងថាជាម្ដាយខ្លួននៅក្នុងវីដេអូមួយផ្សេងទៀត។ លោកនិយាយថានៅក្នុងសំបុត្រកំណើតរបស់ខ្លួនមិនមានឈ្មោះឪពុកនោះឡើយ មួយវិញទៀតលោកនិយាយថាលោកខ្លួនឯងក៏មិនដឹងដែរថាខ្លួនកើតថ្ងៃណា ប៉ុន្តែលោកគិតថាលោកអាចកើតនៅថ្ងៃទី១៥ ខែតុលា ឆ្នាំ១៩៨៦ ព្រោះម្ដាយរបស់លោកអាចនឹងមិនបានចុះឈ្មោះក្នុងសំបុត្រកំណើតឱ្យលោកទុករហូតទាល់តែមួយឆ្នាំ។
James បានអះអាងថាម្ដាយរបស់លោកចាប់ផ្ដើមវាយដំលោកនៅពេលដែលគ្រួសារពួកគេធ្វើអន្តោប្រវេសន៍ទៅអាមេរិក ពោលគឺនៅអំឡុងពេលតែមួយដែល Depp ចាប់ផ្ដើមមានឈ្មោះបោះសំឡេងនៅហូលីវូដ។ «ខ្ញុំបានសួរគាត់រាប់សិបដងហើយក៏ត្រូវរំពាត់រាប់សិបដងដូចគ្នា» នៅពេលដែលខ្លួនព្យាយាមសួរម្ដាយថា Depp គឺជាឪពុកបង្កើតរបស់ខ្លួនមែនទេ?
នៅពេលធ្វើការត្រួតពិនិត្យ DNA យុវជនដែលអះអាងខ្លួនថាជាកូនរបស់ Depp បាននិយាយថាគេនិង Depp មានខ្សែលោហិតដូនតាដូចគ្នា។ នៅក្នុងការធ្វើតេស្តដើម្បីដឹងពីដូនតាខាងឪពុករបស់ខ្លួននោះ លទ្ធផលបានចេញមកគឺ លោកមាន១៦ភាគរយ ស្កុតឡែន ២៥ភាគរយ អង់គ្លេស បូកនិងមានផ្សំជាមួយ វែល អាល្លឺម៉ង់ អៀរឡង់ និងប្រទេសអ៊ឺរ៉ុបខ្លះទៀត។
ទោះជាមិនមានប្រតិកម្មតបតបចំពោះការអះអាងបែបនេះក្ដីប៉ុន្តែភាគី Johny Depp នៅតែរក្សាគោលជំហរដដែលគឺលោកមានកូនបង្កើតតែពីររូបគត់ ម្នាក់វ័យ២៣ឆ្នាំ និងម្នាក់ទៀតវ័យ២០ឆ្នាំ៕
ប្រភព៖ Man Claims He Is Johnny Depp’s Long-Lost Son & Shares DNA Evidence On TikTok | YourTango
ទស្សនាវីដេអូ James រៀបរាប់ដូចខាងក្រោម៖
@tanlife999 tryin to get one of these viral. #foryoupage #fyp #candycrush10 #share ♬ Lift Me Up – From Black Panther: Wakanda Forever – Music From and Inspired By – Rihanna
