ជនសង្ស័យម្នាក់ត្រូវសមត្ថកិច្ចចាប់ខ្លួនខណៈដែលបក្ខពួក៥នាក់ទៀតគេចខ្លួនបាត់ក្រោយពីបានព្រួត គ្នាវាយទៅលើជនជាតិឥណ្ឌូនេស៊ីជាបុគ្គលិកកាស៊ីណូ៤នាក់នៅស្រុកកោះធំ ខេត្តកណ្តាលកាលពីថ្ងៃ ទី៤ខែធ្នូឆ្នាំ ២០២២។ ការចាប់ខ្លួនជនសង្ស័យនេះបានធ្វើឡើងនៅចំណុច៖ លេីផ្លូវជាតិលេខ២១ចាស់ មុខកាស៊ីណូ ក្រោនរីសត ស្ថិតក្នុងភូមិជ្រៃធំ ឃុំសំពៅពូន ស្រុកកោះធំ ខេត្តកណ្តាល។
ប្រភពពីសមត្ថកិច្ចបានឲ្យដឹងថា ជនរងគ្រោះនៅក្នុងសំណុំរឿងនេះគឺជាជនជាតិឥណ្ឌូនេស៊ី៤នាក់ បម្រើការងារនៅកាស៊ីណូក្រោនរីសត ក្នុងស្រុកកោះធំខេត្តកណ្តាល។
បើតាមសមត្ថកិច្ច ជនសង្ស័យមានគ្នា ៨នាក់ ក្នុងនោះ ០២នាក់ មិនស្គាល់អត្តសញ្ញាណ។ចំណែកជនសង្ស័យដែលសមត្ថកិច្ចចាប់ខ្លួនមានឈ្មោះ ប្រុស ថុងប៉ ភេទប្រុស អាយុ១៧ឆ្នាំ ជនជាតិខ្មែរ មុខរបរ សិស្ស រស់នៅភូមិចុងកោះ ឃុំឈេីខ្មៅ ស្រុកកោះធំ ខេត្តកណ្ដាល។
យោងតាមសមត្ថកិច្ចបានឲ្យដឹងថា នៅថ្ងៃកើតហេតុ ក្រុមជនសង្ស័យ បានដេញវាយ និងកាប់ទៅលេីក្រុមជនរងគ្រោះ នៅចំណុចកេីតហេតុ បណ្ដាលរងរបួសជាច្រេីនកន្លែង។
ក្រោយពីទទួលបានព័ត៌មានខាងលេីរួច កម្លាំងនគរបាលជំនាញយុត្តិធម៌ស្រុកកោះធំ សហការជាមួយបណ្ដាប៉ុស្ដិ៍ពាក់ព័ន្ធ បានចុះទៅកន្លែងកេីតហេតុ ដេីម្បីប្រមែលប្រមូលព័ត៌មាន ភស្ដុតាងងាយស្រួលកំណត់អត្តសញ្ញាណឃាត់ខ្លួនក្រុមជនសង្ស័យ ដេីម្បីចាត់ការតាមនីតិវិធី។
នៅថ្ងៃទី១៣.១២.២០២២ វេលាម៉ោង១៥:១០នាទី កម្លាំងនគរបាលចម្រុះស្រុកកោះធំ បានឃាត់ខ្លួនជនសង្ស័យឈ្មោះ ប្រុស ថុងប៉ នៅចំណុចម៉ាតជាប់គល់ស្ពានឆ្លងទន្លេ ភូមិព្រែកធន់ ឃុំព្រែកថ្មី ស្រុកកោះធំ ខេត្តកណ្ដាល។
តាមចម្លេីយសារភាពរបស់ជនសង្ស័យឈ្មោះ ប្រុស ថុងប៉ បានឱ្យដឹងថា៖ កន្លងមកពួកគេជាក្រុមក្មេងទំនេីង មានឈ្មោះក្រុមដូចជា JTK, CT, 68 មានបក្ខពួកប្រមាណ ៤០នាក់ តែងតែដេីរលេងបង្កសកម្មភាពដេីរវាយ កាប់គ្នា និងបង្ហោះម៉ូតូ ក្នុងស្រុកកោះធំ និងធ្លាប់បានធ្វេីសកម្មភាព ដេញវាយ ,កាប់គេ ចំនួន ០៥លេីក ក្នុងតំបន់ជ្រៃធំ ឃុំសំពៅពូន ស្រុកកោះធំ ខេត្តកណ្ដាល។
បើតាមជនសង្ស័យ នៅថ្ងៃកេីតហេតុ ក្រុមជនសង្ស័យ ពិតជាបានធ្វេីសកម្មភាព ដេញកាប់ និងវាយក្រុមជនរងគ្រោះ ជាជនជាតិឥណ្ឌូនេស៉ី ទៅចំណុចកេីតហេតុ ពិតប្រាកដមែន។ សកម្មភាពពេលនោះរួមមាន៖ -ម៉ូតូទី១ ម៉ូតូក្នុងវត្ថុតាង (របស់ឈ្មោះ ប្រុស ថុងប៉) បេីកបរដោយឈ្មោះ ជឺ មាស (វេហា) ដឹកជនសង្ស័យឈ្មោះ ប្រុស ថុងប៉ (កាន់ខ្សែក្រវ៉ាត) -ម៉ូតូទី២ ម៉ាក SUZUKI NEX ពណ៌ស ស៊េរីឆ្នាំ២០២១ មិនចាំផ្លាកលេខ(របស់ឈ្មោះ ហម ម៉េង) បេីកបរដោយឈ្មោះ ហម ម៉េង ដឹកឈ្មោះ ផាន់ណា ផានិត (កាន់ខ្សែក្រវ៉ាត) ,និងឈ្មោះ យុទ្ធ រដ្ឋា (កាន់ដបស្រាហនុមាន) ,និងឈ្មោះ វុថ្ថា វឌ្ឍនា (កាន់កាំបិតប៉័ងតោ) រួមជាមួយមិត្តភ័ត្តិចំនួន ០២នាក់ ទៀតមិនចាំឈ្មោះ (មិត្តភ័ក្តិរបស់ យុទ្ធ រដ្ឋា) ជិះម៉ូតូ ម៉ាក Honda C125 ពណ៌ខ្មៅ ស៊េរីឆ្នាំ២០២២ គ្មានផ្លាកលេខ ជារបស់ឈ្មោះ យុទ្ធ រដ្ឋា បានធ្វេីសកម្មភាព កាប់ និងវាយទៅលេីក្រុមជនរងគ្រោះរួច ពួកគេនាំគ្នាជិះគេចខ្លួនតែម្ដង។
ដោយឡែកនៅថ្ងៃទី១១.១២.២០២២ វេលាម៉ោង១០:៣០នាទី ក្រុមជនសង្ស័យរួមមាន ១.ឈ្មោះ ប្រុស ថុងប៉ ២.ឈ្មោះ ហម ម៉េង ៣.ឈ្មោះ វុថ្ថា វឌ្ឍនា (ស៊ុយទ្រី) ៤.ឈ្មោះ ធន់ ឆៃយ៉ា ភេទប្រុស អាយុ១៧ឆ្នាំ រស់នៅភូមិព្រែកភូមិ ឃុំជ្រោយតាកែវ ស្រុកកោះធំ ៥.ឈ្មោះ ផាត ខេវិន ភេទប្រុស អាយុ១៦ឆ្នាំ រស់នៅភូមិចុងកោះ ឃុំឈេីខ្មៅ ស្រុកកោះធំ ៦.ឈ្មោះ វិបុល ឆេងឡុង ភេទប្រុស អាយុ១៧ឆ្នាំ រស់នៅភូមិដេីមពោធិ៍ ឃុំជ្រោយតាកែវ ស្រុកកោះធំ ៧.ឈ្មោះ ហេងលី បញ្ញា ភេទប្រុស អាយុ១៧ឆ្នាំ រស់នៅភូមិជ្រោយស្នោ ឃុំព្រែកជ្រៃ ស្រុកកោះធំ និងបក្ខពួកចំនួន ០៣នាក់ទៀតមិនចាំឈ្មោះ បានធ្វេីសកម្មភាព ដេញកាប់ និងវាយ ភាគីម្ខាងទៀតមានគ្នាប្រហែល ០៦នាក់ នៅចំណុចកំពង់ចក ភូមិកញ្ចិល ឃុំកំពង់រាប ស្រុកព្រៃកប្បាស ខេត្តតាកែវ បន្ទាប់ពីភាគីម្ខាងទៀត រត់គេចខ្លួនអស់ ពួកគេបានបន្សល់ម៉ូតូចំនួន ០៣គ្រឿង ឃេីញដូចនេះ ក្រុមជនសង្ស័យបានកាប់យកផ្លាកលេខម៉ូតូទុក ដេីម្បីបង្ហោះបង្អួតគេតាមបណ្ដាញទំនាក់ទំនង។ ឈ្មោះ ហេងលី បញ្ញា និងឈ្មោះ ផាត ខេវិន ជាអ្នកយកផ្លាកលេខខាងលេីរក្សាទុក ក្រោយពីធ្វេីសកម្មភាពរួចពួកគេបានត្រលប់មកស្រុកកោះធំវិញ។
ក្រោយសមត្ថកិច្ចចាប់ខ្លួនបាន ជនសង្ស័យ និងវត្ថុតាង បញ្ជូនមកកាន់អធិការដ្ឋាននគរបាលស្រុកកោះធំ ដេីម្បីចាត់ការទៅតាមនីតិវិធី៕
អត្ថបទ៖តាខ្មៅ