Ken Theeradej ដៃគូសម្ដែងដ៏ស្អិតល្មួតនិងស៊ីសង្វាក់គ្នារបស់តារាចម្រៀងស្រី Anne Thongprasom ដែលធ្លាប់បានសាងកេរ្តិ៍ឈ្មោះល្បីល្បាញទាំងនៅក្នុងប្រទេសថៃ និងកម្ពុជាកាលពីឆ្នាំ ២០០៨ តាមរយៈរឿងភាគ «Sawan Biang» ឬ «ឋានសួគ៌លម្អៀង» បានបាត់មុខពីកញ្ចក់ទូរទស្សន៍មួយរយៈ ធ្វើឱ្យអ្នកគាំទ្រមានក្ដីនឹករលឹកចំពោះលោកយ៉ាងខ្លាំង ប៉ុន្តែនៅពេលនេះ អ្នកគាំទ្រជិតបានទស្សនារឿងភាគថ្មីរបស់លោកក្នុងពេលឆាប់ៗនេះហើយ។
«รักนิรันดร์จันทรา» ឬ មានឈ្មោះជាភាសាអង់គ្លេសហៅថា «Love Under The Moonlight» គឺជារឿងភាគថ្មី ដែលតារាសម្ដែងវ័យ ៤៣ ឆ្នាំរូបនេះ សម្ដែងជាតួឯកប្រុស ចាប់ដៃគូជាមួយនឹងតួឯកស្រី Ice Preechaya ត្រៀមដាក់បញ្ចាំងលើកញ្ចក់ទូរទស្សន៍ប៉ុស្ដិ៍លេខ៣ ថៃនាពេលឆាប់ៗខាងមុខនេះ។
គ្រាន់តែវីដេអូផ្សព្វផ្សាយខ្លីរបស់រឿងនេះ បានធ្វើឱ្យអ្នកទស្សនាចាប់ផ្ដើមជ្រួលច្រាលនឹងចង់ដឹងសាច់រឿងលម្អិតកាន់តែខ្លាំង ព្រោះតាមការសន្មត តួឯកប្រុសដែលជាអ្នកជំនួញធំ អាចជាបិសាចជញ្ជក់ឈាមដែលមានអាយុរាប់រយឆ្នាំ (ជីវិតអមតៈ) បានជួបជាមួយនឹងនារីម្នាក់ដែលមានមុខដូចនឹងនារីដែល គេស្រលាញ់ (អាចជាព្រលឹងចាប់ជាតិថ្មី)។
រឿងរ៉ាវនឹងទៅជាបែបណាទៀតនោះ អ្នកទស្សនានៅមិនទាន់ដឹងទេ ក៏ប៉ុន្តែបើមើលពីវត្តមានតារាសម្ដែងក្នុងរឿងនេះអាចនិយាយបានយ៉ាងងាយថា រឿងនេះជារឿងមួយដែលអ្នកទស្សនាមិនគួរមើលរំលងនោះទេ។
ទស្សនា ឈុតខ្លី ពីរឿងភាគ «Love Under The Moonlight» ខាងក្រោមនេះ៖