តារាចម្រៀង K-pop ក្រុម missA ដែលបានប្រែកក្លាយខ្លួនមកជាតារាសម្ដែងស្រីស្អាត Bae Suzy បានប្រឡូកក្នុងរង្វង់សិល្បៈ១០ឆ្នាំមកហើយ។ ភាពយន្តភាគចុងក្រោយដែលសម្ដែងជាមួយនឹង Nam Joo Hyuk រឿង «Start Up» ក៏ទទួលបានការកោតស្ញប់ស្ញែងចំពោះសាច់រឿង ពិសេសសមត្ថភាពសម្ដែងរបស់តារារូបនេះ។ ខណៈដែលអ្នកគាំទ្ររង់ចាំរឿងថ្មីរបស់កញ្ញា យើងមករំលឹករឿងល្បីៗដែល Suzy ធ្លាប់បានសម្ដែងសិន។
១. Dream High (២០១១)
ភាពុយន្តភាគរឿងនេះនាំអ្នកទស្សនាទៅកាន់វិទ្យាល័យ Kirin វិទ្យាស្ថានជំនាញផ្នែកសិល្បៈសម្ដែង។ Suzy សម្ដែងជាតួអង្គសិស្សដែលមានទេពកោសល្យពីកំណើត តែមានចរិតរឹងរូស Hye Mi ក្មេងស្រីរូបនេះសុបិនចង់ក្លាយជាតារាចម្រៀង Opera ដ៏ល្បី ប៉ុន្តែដោយសារបំណុលរបស់ឪពុក នាងបានចូលសិក្សានៅសាលា Kirin ហើយសិក្សាផ្នែកតន្ត្រីប៉ុបវិញ។ នៅទីនោះ Hye Mi រកឃើញស្នេហា មិត្តភាព និងគោលដៅជីវិត។
២. Big (២០១២)
ភាពយន្តនេះនិយាយអំពីក្មេងម្នាក់ បានប្ដូរព្រលឹងជាមួយនឹងវេជ្ជបណ្ឌិតដែលមានវ័យចាស់ សម្ដែងដោយ Gong Yoo។ ខណៈដែល Suzy សម្ដែងជាតួអង្គមួយឈ្មោះ Mari ក្មេងស្រីវ័យក្មេងដែលតាមស្រលាញ់ Gong Yoo ។
៣. Kang Chi (២០១៣)
ភាពយន្តនេះក៏មានឈ្មោះមួយផ្សេងទៀតដែរថា «Gu Family» និយាយពីរឿងរ៉ាវរបស់មនុស្សពាក់កណ្ដាល កញ្ជ្រោងកន្ទុយ៩ ពាក់កណ្ដាល ឈ្មោះ Kang Chi (សម្ដែងដោយ Lee Seung Gi) ដែលកំពុងតែស្ថិតក្នុងដំណាក់កាលក្លាយជាមនុស្សពេញលេញ។ Suzy សម្ដែងជាតួឯកស្រីជាមិត្តស្រីរបស់ Kang Chi មានឈ្មនោះថា Yeo Wool ជាគ្រូក្បាច់គុន។
៤. Uncontrollably Fond (២០១៦)
ភាពយន្តភាគដែលបរិយាយអំពីរឿងរ៉ាវរបស់អតីតគូស្នេហ៍មួយគូដែលឆ្លងកាត់ការឈឺចាប់រាប់ឆ្នាំដោយសារតែការបែកបាក់ ហើយបានត្រលប់មកជួបគ្នាសារជាថ្មីក្នុងឋានៈជាមិត្តរួមការងារ។ Joo Young (Kim Woo Bin) គឺជាតារាចម្រៀងដ៏ល្បី ខណៈ Noh Eul (Suzy) គឺជាផលិតករផលិតឯកសារ។
៥. While You Were Sleeping(២០១៧)
Suzy សម្ដែងជាតួអង្គឈ្មោះ Hong Joo ស្ត្រីម្នាក់ដែលមានសមត្ថភាពពិសេសតាមរយៈការសុបិនពីអនាគត។ នាងបានជួបជាមួយនឹង Jae Chan (Lee Jong Suk) បុរសម្នាក់ដែលអាចផ្លាស់ប្ដូរហេតុការណ៍ដែល Hong Joo បានមើលឃើញនៅក្នុងសុបិន។
៦. Vagabond (២០១៩)
នៅក្នុងភាពយន្តនេះ Suzy គឺជាសមាជិក NIS (National Intelligence Service) មានឈ្មោះថា Hae Ri ។ នាងបានជួបជាមួយនឹង Dal Geon ( Lee Seung Gi) បុរសម្នាក់ដែលព្យាយាមសងសឹកលើក្រុមឧក្រិដ្ឋជនដែលត្រូវបានគេជឿជាក់ថាជាអ្នកនៅពីក្រោយគ្រោះថ្នាក់យន្តហោះដែលបានសម្លាប់ក្មួយរបស់គេ។ ភាពយន្តនេះនៅភាគបញ្ចប់បានធ្វើឱ្យហ្វេនមានចម្ងល់និងរងចាំវគ្គទីពីរ (Season2)
៧. Start-Up ( ២០២០)
ភាពយន្តភាគ Start-Up បរិយាយពីភាពរីកចម្រើនជាបន្តបន្ទាប់របស់់ប្រទេសកូរ៉េលើផ្នែកបឧស្សាហកម្មប្រព័ន្ធបច្ចេកវិទ្យា។ Bae Suzy សម្ដែងជាតួអង្គ Da Mi ស្ត្រីម្នាក់ដែលសុបិនចង់ក្លាយជា Steve Jobs របស់ប្រទេសកូរ៉េ។ ចំណែក Nam Joo Hyuk សម្ដែងជាតួអង្គ Do San មនុស្សមានសមត្ថភាពអច្ឆរិយផ្នែកគណិតវិទ្យា ហើយគេក៏ត្រូវបាន Dami យល់ច្រឡំថាជាគូស្នេហ៍គ្រាដំបូងរបស់នាងដែរ។