វគ្គជម្រុះតាមពូលនៃពានរង្វាន់បាល់ទាត់ជើងឯកទ្វីបអឺរ៉ុប UEFA Euro 2020 បានឈានដល់វគ្គជម្រុះតាមពូលនានា ខណៈពូល D និងពូល E មិនទាន់កំណត់ថាក្រុមណានឹងមានឈ្មោះឡើងទៅជុំបន្ត ឬត្រូវធ្លាក់ចេញនៅឡើយនោះទេ បើទោះជានៅសល់ត្រឹម១ប្រកួតចុងក្រោយក៏ដោយ។
លទ្ធផលយប់ថ្ងៃសុក្រ ចូលថ្ងៃសៅរ៍ នេះ៖
-ស៊ុយអែត ១-០ ស្លូវ៉ាគី
-ក្រូអាត ១-១ ឆែក
-អង់គ្លេស ០-០ ស្កុតឡែន
ដូច្នេះក្រុមពូល D នៅសល់តែ២ប្រកួតទៀតទេដោយនៅថ្ងៃទី២២ ត្រូវប្រកួតដំណាល់គ្នា៖
-ក្រូអាត ប៉ះ ស្កុតឡែន
-ឆែក ប៉ះ អង់គ្លេស
ចំណែកពូល E វិញនៅសល់៣ប្រកួតទៀតដោយក្រុម៖
-អេស្ប៉ាញ ប៉ះ ប៉ូឡូញ
-ស្លូវ៉ាគី ប៉ះ អេស្ប៉ាញ
-ស៊ុយអែត ប៉ះ ប៉ូឡូញ
ក្នុងចំណោមវគ្គជម្រុះតាមពូល២១ប្រកួតមកនេះ ក្រុមទាំងអស់បានទាត់បញ្ចូលទីគ្នាបាន៤៥គ្រាប់មកហើយ តែក្នុងនោះកីឡាករPatrik Schick របស់សាធារណរដ្ឋឆែក រកបានគ្រាប់បាល់ច្រើនជាងគេគឺបាន៣គ្រាប់ម្នាក់ឯង ច្រើនជាងកីឡាករ ៧រូបផ្សេងទៀតដែលទើបតែរកបានម្នាក់២គ្រាប់ ដូចជា Romelu Lukaku របស់បែលហ្សិក, Ciro Immobile និង Manuel Locatelliរបស់អ៊ីតាលី Denzel Dumfries របស់ហុល្លង់, Cristiano Ronaldo របស់ព័រទុយហ្គាល់, Roman Yaremchuk និងAndriy Yarmolenkoរបស់អ៊ុយក្រែន។
GOAL! Croatia 0-1 Czech Republic (Schick 37' pen)#EURO2020 pic.twitter.com/0gCxEsRtCE
— UEFA EURO 2020 (@EURO2020) June 18, 2021
ចំណែកកម្មវិធីប្រកួតនៅយប់ថ្ងៃសៅរ៍ ចូលថ្ងៃអាទិត្យ នេះមាន៣គូ៖
-ហុងគ្រី ប៉ះ បារាំង ម៉ោង៨យប់
-ព័រទុយហ្គាល់ ប៉ះ អាល្លឺម៉ង់ ម៉ោង១១យប់
-អេស្ប៉ាញ ប៉ះ ប៉ូឡូញ ម៉ោង២រំលងអាធ្រាត្រ