គិតត្រឹមថ្ងៃទី២៧ ខែធ្នូ ម្សិលមិញជាការប្រកួតទី១២ នៃពានរង្វាន់ AFF Mitsubishi Electric Cup 2022 ក្រោយក្រុមជម្រើសជាតិវៀតណាមយកឈ្នះម៉ាឡេស៊ី ក្នុងលទ្ធផល ៣-០ នៅកីឡដ្ឋាន My Dinh ក្នុងទីក្រុងហានណូយ និងក្រុមជម្រើសជាតិឡាវ បរាជ័យក្រោមថ្វីជើងសិង្ហបុរី ក្នុងលទ្ធផល ២-០ នៅកីឡដ្ឋាន New Laos National។
លទ្ធផលនេះបានធ្វើឲ្យក្រុមជម្រើសជាតិថៃឈរនៅលើកំពូលតារាងពូល A ២ប្រកួតមាន ៦ពិន្ទុ និងក្រុមជម្រើសជាតិវៀតណាម ឈរនៅលើកំពូលតាមរាងពូល B ២ប្រកួតមាន ៦ពិន្ទុ ដូចគ្នា។ ក្រុមទាំង២ក៏ជាក្រុមដែលរកគ្រាប់បាល់បានច្រើនជាងគេគឺ ៩គ្រាប់ដូចគ្នា ដោយគ្មានអ្នកស៊ុតចូលវិញ។
ក្រុមដែលរកគ្រាប់បាល់បានក្នុងពូល A មាន៖
- ថៃ ២ប្រកួត រកបាន ៩គ្រាប់ គ្មានអ្នកស៊ុតចូលវិញ
- ឥណ្ឌូណេស៊ី ២ប្រកួត រកបាន ៩គ្រាប់ គេស៊ុតចូល ១គ្រាប់វិញ
- កម្ពុជា ២ប្រកួត រកបាន ៤គ្រាប់ គេស៊ុតចូល ៤គ្រាប់វិញ
- ហ្វីលីពីន ៣ប្រកួត រកបាន ៧គ្រាប់ គេស៊ុតចូល ៨គ្រាប់វិញ
- ប្រ៊ុយណេ ៣ប្រកួត រកបាន ១គ្រាប់ គេស៊ុតចូល ១៧គ្រាប់វិញ
ក្រុមដែលរកគ្រាប់បាល់បានក្នុងពូល B មាន៖
- វៀតណាម ២ប្រកួត រកបាន ៩គ្រាប់ គ្មានអ្នកស៊ុតចូលវិញ
- ម៉ាឡេស៊ី ៣ប្រកួត រកបាន ៦គ្រាប់ គេស៊ុតចូល ៣គ្រាប់វិញ
- សិង្ហបុរី ២ប្រកួត រកបាន ៥គ្រាប់ គេស៊ុតចូល ២គ្រាប់វិញ
- ម៉យ៉ានម៉ា ២ប្រកួត រកបាន ២គ្រាប់ គេស៊ុតចូល ៤គ្រាប់វិញ
- ឡាវ ៣ប្រកួត គ្មានគ្រាប់បាល់ គេស៊ុតចូល ១៣គ្រាប់
ពានរង្វាន់ជើងឯកបាល់ទាត់បុរសប្រចាំតំបន់អាស៊ាន បង្កើតឡើងដំបូងតាំងពីឆ្នាំ ១៩៩៦ មកម៉្លេះ ដោយប្រកួតរាល់២ឆ្នាំម្តង ស្របពេលដំបូងឡើយប្រើឈ្មោះជា AFF Tiger Cup រហូតដល់ឆ្នាំ២០០៤ ក៏ប្តួរឈ្មោះទៅជា AFF Suzuki Cup វិញម្តង និងចុងក្រោយចាប់ពីឆ្នាំ២០២២ តទៅប្រើឈ្មោះជាAFF Mitsubishi Electric Cup វិញម្តង។
ថៃ ជាក្រុមឈ្នះជើងឯកពានរង្វាន់បុរសប្រចាំតំបន់អាស៊ាន នេះបានច្រើនជាងគេ រហូតដល់ទៅ៦លើក ឯសិង្ហបុរី ឈ្នះបាន៤លើក វៀតណាម ឈ្នះ២លើក និងម៉ាឡេស៊ី ឈ្នះបាន១លើក។ ឥណ្ឌូណេស៊ី ជាក្រុមឡើងវគ្គផ្ដាច់ព្រ័ត្របានច្រើនជាងគេរហូតដល់៦លើក តែបរាជ័យរហូត៕
