ព្រឹត្តិការណ៍កីឡាបាល់ទាត់ 2021 FIFA Arab Cup សុទ្ធសឹងតែជាប្រទេសកាន់សាសនាឥស្លាម មកពីទ្វីបអាហ្រ្វិក និងទ្វីបអាស៊ី កំពុងតែដំណើរការនៅវគ្គជម្រុះ ដើម្បីស្វែងរកក្រុមខ្លាំងបន្ថែម ៧ក្រុម ទៅជួប៩ក្រុមផ្សេងទៀត នៅក្នុងវគ្គចែកពូល នៅក្នុងប្រទេសកាតារ។
វគ្គជម្រុះនេះធ្វើឡើងនៅទីក្រុង ដូហា ប្រទេសកាតារ ទាំងអស់៖
-១៩ មិថុនា ២០២១ លីប៊ី ០-១ ស៊ូដង់
-២០ មិថុនា ២០២១ អូម៉ង់ Vs សូម៉ាលី
-២១ មិថុនា ២០២១ ហ្សកដានី Vs ស៊ូដង់ខាងត្បូង
-២២ មិថុនា ២០២១ ម៉ូរីតានី Vs យេមែន
-២៣ មិថុនា ២០២១ លីបង់ Vs ជីប៊ូទី
-២៤ មិថុនា ២០២១ ប៉ាឡេស្ទីន Vs កូម៉ូរ៉ា
-២៥ មិថុនា ២០២១ បារ៉ែន Vs គុយវ៉ែត
2021 FIFA Arab Cup ចែកជា២វគ្គគឺវគ្គជម្រុះ និងវគ្គចែកពូល។ ៩ក្រុមដែលឈរនៅចំណាត់ថ្នាក់ខ្ពស់ត្រូវអង្គុយចាំនៅវគ្គចែកពូល មានដូចជាម្ចាស់ផ្ទះកាតារ (លេខ៥៨) ទុយនេស៊ី (លេខ២៦) អាល់ហ្សេរី(លេខ៣៣) ម៉ារ៉ុក(លេខ៣៤) អេហ្ស៊ីប (លេខ៤៦) អារ៉ាប៊ីសាអ៊ូឌីត (លេខ៦៥) អ៊ីរ៉ាក់ (លេខ៦៨) អារ៉ាប់រួម (លេខ៧៣) និងស៊ីរី (លេខ៧៩)។ វគ្គជម្រុះ 2021 FIFA Arab Cup នេះគ្រោងធ្វើឡើងពីថ្ងៃទី១៩ ដល់២៥ខែមិថុនា ឆ្នាំ២០២១ ខណៈវគ្គចែកពូលនឹងធ្វើឡើងពីថ្ងៃទី១ដល់១៨ ខែធ្នូ ឆ្នាំ២០២១។
កាលពីបង្កើតឡើងដំបូងក្នុងឆ្នាំ១៩៩៦៣ ពានរង្វាន់នេះមានឈ្មោះថា Arab Cup ប៉ុន្តែរៀបចំមិនបានទៀងទាត់នោះទេ ដោយឆ្នាំខ្លះរៀបចំ ហើយឆ្នាំខ្លះក៏រំលង ខណៈនេះជាលើកទី២ហើយដែលធ្វើឡើងនៅប្រទេសកាតារ ខណៈឆ្នាំដំបូងធ្វើនៅឆ្នាំ១៩៩៨។ គិតត្រឹមពេលនេះពាន 2021 FIFA Arab Cup រៀនចំឡើងបានចំនួន៩លើកមកហើយ ស្របពេលក្រុមអ៊ីរ៉ាក់ ធ្លាប់ឈ្នះជើងឯកបានចំនួន៤លើក អារ៉ាប៊ីសាអ៊ូឌីត ធ្លាប់ឈ្នះបាន២លើក និងទុយណេស៊ី ម៉ារុក ធ្លាប់ ឈ្នះម្នាក់១លើក៕
