ក្រុមជម្រើសជាតិកម្ពុជា អស់ឱកាសឈានទៅវគ្គបន្តក្នុងពានរង្វាន់ AFF Mitsubishi Electric Cup 2022 ក្រោយធ្លាក់ត្រឹមវគ្គជម្រុះពូល A បន្ទាប់ពីចាញ់ថៃ ក្នុងលទ្ធផល ៣-១ នៅពហុកីឡដ្ឋាន Thammasat ខេត្ត Pathum Thani នារាត្រីថ្ងៃទី០២ ខែធ្នូ។
នេះគឺជាការចាញ់លើកទី៦ របស់គោព្រៃកម្ពុជា (សម្រាប់ឈុតធំ) ពេលជួបក្រុមជម្រើសជាតិថៃ សរុប៧លើកដោយរាប់ចាប់តាំងពីឆ្នាំ ១៩៥៧ ខណ:ធ្លាប់ស្មើម្ដងប៉ុណ្ណោះនៅឆ្នាំ ១៩៧១ ក្នុងលទ្ធផល ១-១ ពានរង្វាន់ South East Asian Peninsula Games។
ប្រវត្តិជំនួប៧ប្រកួតកន្លងមកកម្ពុជា-ថៃ៖
ថ្ងៃទី១ ខែកញ្ញា ឆ្នាំ១៩៥៧៖ កម្ពុជា ០-៣ ថៃ ប្រកួត Merdeka Tournament
ថ្ងៃទី៦ ខែកញ្ញា ឆ្នាំ១៩៦៤៖ កម្ពុជា ០-១ ថៃ ប្រកួត Merdeka Tournament
ថ្ងៃទី១ ខែធ្នូ ឆ្នាំ១៩៧១៖ កម្ពុជា ១-១ ថៃ ប្រកួត South East Asian Peninsula Games
ថ្ងៃទី១២ ខែធ្នូ ឆ្នាំ១៩៩៥៖ កម្ពុជា ០-៩ ថៃ ប្រកួត South East Asian Games
ថ្ងៃទី១២ ខែតុលា ឆ្នាំ១៩៩៧៖ កម្ពុជា ០-៤ ថៃ ប្រកួត South East Asian Games
ថ្ងៃទី១ ខែកញ្ញា ឆ្នាំ២០០១៖ កម្ពុជា ០-៧ ថៃ ប្រកួត South East Asian Games
ថ្ងៃទី២ ខែមករា ឆ្នាំ២០២៣៖ កម្ពុជា ១-៣ ថៃ ពានរង្វាន់ AFF Championship។
តារាងចំណាត់ថ្នាក់ប្រចាំពូល A៖
១. ថៃ ៤ប្រកួត ឈ្នះ៣ ស្មើ១ មាន១០ពិន្ទុ
២. ឥណ្ឌូនេស៊ី ៤ប្រកួត ឈ្នះ៣ ស្មើ១ មាន១០ពិន្ទុ
៣. កម្ពុជា ៤ប្រកួត ឈ្នះ២ និងចាញ់២ មាន៦ពិន្ទុ
៤. ហ្វីលីពីន ៤ប្រកួត ឈ្នះ១ និងចាញ់៣ មាន៣ ពិន្ទុ
៥. ប្រ៊ុយណេ ៤ប្រកួត ចាញ់ទាំង៤ មាន០ពិន្ទុ
ក្នុងចំណោមពានរង្វាន់ AFF Mitsubishi Electric Cup រៀបចំឡើងចំនួន១៤លើក ដោយសហព័ន្ធកីឡាបាល់ទាត់តំបន់អាស៊ាន ក្រុមកម្ពុជា មានឈ្មោះឆ្លងដល់វគ្គចែកពូលចំនួន៩លើក ប៉ុន្តែមិនធ្លាប់ឆ្លងផុតវគ្គចែកពូល ពោលគឺវគ្គពាក់កណ្តាលផ្ដាច់ព្រ័ត្រនោះទេ៕
