បើទោះបីជាកម្ពុជា អស់ឱកាសឈានទៅវគ្គបន្តក្នុងពានរង្វាន់ AFF Mitsubishi Electric Cup 2022 ក្រោយធ្លាក់ត្រឹមវគ្គជម្រុះពូល A បន្ទាប់ពីចាញ់ថៃ ក្នុងលទ្ធផល ៣-១ នៅពហុកីឡដ្ឋាន Thammasat ខេត្ត Pathum Thani។
គ្រាប់បាល់របស់កីឡាករ សៀង ចន្ធា ស៊ុតចូលក្រុមជម្រើសជាតិថៃ ក្នុងការប្រកួតពានរង្វាន់ AFF Mitsubishi Electric Cup 2022 កាលពីល្ងាចមិញ គឺជាគ្រាប់បាល់ទី១ របស់ក្រុមជម្រើសជាតិកម្ពុជា រយ:ពេល៥១ឆ្នាំមកនេះ។
សម្រាប់ឈុតធំកម្ពុជាធ្លាប់មានប្រវត្តិជួបថៃតាំងពីឆ្នាំ១៩៥៧ ជំនួប៦លើក កម្ពុជាមិនដែលយកឈ្នះថៃបានឡើងដោយធ្លាប់ស្មើម្ដងនៅឆ្នាំ១៩៧១ លទ្ធផល ១-១ ប្រកួតព្រឹត្តិការណ៍ South East Asian Peninsula Games នៅទីក្រុងកូឡាឡាំពួរ ប្រទេសម៉ាឡេស៊ី។
សម្រាប់លទ្ធផលប្រកួតល្ងាចមិញនេះ តារាងចំណាត់ថ្នាក់ប្រចាំពូល A៖ ថៃ ៤ប្រកួត ឈ្នះ៣ ស្មើ១ មាន១០ពិន្ទុ កំពូលតារាង, ឥណ្ឌូនេស៊ី ៤ប្រកួត ឈ្នះ៣ ស្មើ១ មាន១០ពិន្ទុ, កម្ពុជា ៤ប្រកួត ឈ្នះ២ និងចាញ់២ មាន៦ពិន្ទុ, ហ្វីលីពីន ៤ប្រកួត ឈ្នះ១ និងចាញ់៣ មាន៣ ពិន្ទុ, ប្រ៊ុយណេ ៤ប្រកួត ចាញ់ទាំង៤ មាន០ពិន្ទុ។
ប្រវត្តិជំនួប៧ប្រកួតកន្លងមកកម្ពុជា-ថៃ៖
- ថ្ងៃទី១ ខែកញ្ញា ឆ្នាំ១៩៥៧៖ កម្ពុជា ០-៣ ថៃ ប្រកួត Merdeka Tournament
- ថ្ងៃទី៦ ខែកញ្ញា ឆ្នាំ១៩៦៤៖ កម្ពុជា ០-១ ថៃ ប្រកួត Merdeka Tournament
- ថ្ងៃទី១ ខែធ្នូ ឆ្នាំ១៩៧១៖ កម្ពុជា ១-១ ថៃ ប្រកួត South East Asian Peninsula Games
- ថ្ងៃទី១២ ខែធ្នូ ឆ្នាំ១៩៩៥៖ កម្ពុជា ០-៩ ថៃ ប្រកួត South East Asian Games
- ថ្ងៃទី១២ ខែតុលា ឆ្នាំ១៩៩៧៖ កម្ពុជា ០-៤ ថៃ ប្រកួត South East Asian Games
- ថ្ងៃទី១ ខែកញ្ញា ឆ្នាំ២០០១៖ កម្ពុជា ០-៧ ថៃ ប្រកួត South East Asian Games
- ថ្ងៃទី២ ខែមករា ឆ្នាំ២០២៣៖ កម្ពុជា ១-៣ ថៃ ពានរង្វាន់ AFF Championship៕
