តោះមកដឹងលម្អិតពីឈុតតំណាងជាតិ «សោភ័ណរចនា ធីតាខ្មែរ» ត្រៀមប្រកួតនៅថៃ ថ្ងៃ៧-៨មករាខាងមុខនេះ

សិល្បៈជាតិ៖ នៅថ្ងៃទី៧និងទី៨ខាងមុខនេះបេក្ខនារីកញ្ញាឯកតំណាងកម្ពុជានឹងត្រូវប្រកួតវគ្គប្រកួតបឋមនិងវគ្គផ្ដាច់ព្រ័ត្រកម្មវិធី Miss Preteen International នាប្រទេសថៃ ដោយក្នុងនោះគេសង្កេតឃើញថាប្អូនស្រី ឌៀប សុហ្វៀរ៉ា នឹងត្រៀមគ្រងឈុតតំណាងជាតិដែលមានឈ្មោះថាឈុត «សោភ័ណរចនាធីតាខ្មែរ»។ គ្រាន់តែឮឈ្មោះតំណាងជាតិភ្លាមមានអារម្មណ៍ថាពីរោះចំណែកការរចនាឈុតនេះក៏បានស្រស់ស្អាតខ្លាំងណាស់ដែរ ប៉ុន្តែបងប្អូនមានដឹងទេថាឈុតនេះច្នៃឡើងក្នុងគោលបំណងបែបណា ហើយចង់បង្ហាញអ្វីពីប្រទេសកម្ពុជាឱ្យអន្តរជាតិបានស្គាល់និងយល់ដឹង?

យោងតាមការចែករំលែកពីផេកផ្ទាល់ខ្លួនរបស់កញ្ញាឯក Miss Preteen Cambodia ឌៀប សុហ្វៀរ៉ា បានរៀបរាប់ឱ្យដឹងថាឈុត «សោភ័ណរចនាធីតាខ្មែរ» រចនាឡើងដោយផ្អែកតាមរចនាបថសិល្បៈរបស់ខ្មែរបង្ហាញពីក្បូរក្បាច់ចម្លាក់ដ៏ប្រណិតដែលមានតាមជញ្ជាំងប្រាសាទ និងចម្លាក់នានាក្នុងប្រទេសកម្ពុជាដែលជាការឆ្លុះបញ្ចាំងឱ្យឃើញពីគំនិតច្នៃប្រឌិតរបស់បុព្វបុរសខ្មែរផ្នែកសិល្បៈហត្ថកម្ម។ ចំណែកក្បាច់នីមួយៗដែលរំលេចចេញលើឈុតមួយនេះគឺសុទ្ធសឹងតែតែដកស្រង់ពីក្បាច់ដែលឆ្លាក់លើប្រាសាទបុរាណខ្មែរដូចជា ក្បាច់ភ្ញីវល្លិ៍ ក្បាច់ភ្ញីភ្លើងលាយបញ្ចូលគ្រប់ទម្រង់និងគ្រប់សម័យកាល។

តាមការបញ្ជាក់របស់កញ្ញាឯករូបនេះទម្រង់នៃឈុតទាំងមូលបានបង្ហាញឱ្យឃើញពីភាពសម្បូរបែបនៃសិល្បៈខ្មែរតាំងពីបរមបុរាណ បូកផ្សំជាមួយគំនិតច្នៃប្រឌិតថ្មីនាសម័យបច្ចុប្បន្ន រឹតតែធ្វើឱ្យឈុតនេះស្រស់ស្អាតថែមមួយកម្រិតទៀត។ មិនតែប៉ុណ្ណោះសិល្បៈនៃក្បាច់ទាំងនេះក៏បានកំណត់យ៉ាងច្បាស់ពីអត្តសញ្ញាណនៃជាតិខ្មែរ គឺជាសិល្បៈរបស់ខ្មែរដែលកើតចេញពីភាពប៉ិនប្រសប់របស់ដូនតាខ្មែរឥតមានជាតិសាសន៍ណាអាចចម្លងបានឡើយ។

សូមបញ្ជាក់ថា ប្អូនស្រី ឌៀប សុហ្វៀរ៉ា អាយុ ១២ឆ្នាំ ជា Little Miss Cambodia 2022 តំណាងអោយព្រះរាជាណាចក្រកម្ពុជា ទៅប្រកួតលើឆាកអន្តជាតិនៅប្រទេសថៃ ក្នុងកម្មវិធី Junior Idol World ដែលកម្មវិធីប្រកួតបឋមធ្វើឡើង ថ្ងៃ 07 មករា 2023 ចំណែក Final ថ្ងៃ 08 មករា 2023 សម្រាប់បងប្អូនចង់ទស្សនាអាចតាមដានតាមរយៈការ Live លើ Facebook @Junior Idol Word៕