វគ្គជម្រុះពូល Aនៃពានរង្វាន់បាល់ទាត់ជើងឯកទ្វីបអឺរ៉ុប UEFA Euro 2020 បានបញ្ចប់ការប្រកួតទៅហើយដោយក្រុមអ៊ីតាលី វ៉ែល ដឹកដៃគ្នាឡើងទៅវគ្គ១៦ក្រុមចុងក្រោយជាបន្ត ហើយក្រុមស្វីស រង់ចាំមើលកៅអីចំណាត់ថ្នាក់លេខ៣ល្អ ដែលធៀបនឹងពូលផ្សេងៗ ខណៈក្រុមទួរគី បានហាលអាវត្រឹមវគ្គនេះ។
លទ្ធផលប្រកួតបិទពូលនៅយប់ថ្ងៃអាទិត្យ នេះមាន៖
-ស្វីស ៣-១ ទួរគី
-អ៊ីតាលី ១-០ វ៉ែល
ចំណែកកម្មវិធីប្រកួតបិទពូល B និង C នៅយប់ថ្ងៃចន្ទ ចូលថ្ងៃអង្គារ នេះមាន៤គូ៖
-អ៊ុយក្រែន Vs អូទ្រីស នៅម៉ោង១១យប់
-កោះម៉ាសេដូនី Vs ហុល្លង់ នៅម៉ោង១១យប់
-រុស្ស៊ី Vs ដាណឺម៉ាក ម៉ោង២យប់
-ហ្វាំងឡង់ Vs បែលហ្សិក
ពានរង្វាន់ UEFA Euro 2020 រៀបចំឡើងនៅ១១ប្រទេសផ្សេងគ្នាដោយសារតែស្ថានភាពកូវីដ-១៩ ចាប់ពីថ្ងៃទី១១ខែមិថុនា ដល់ថ្ងៃទី១១ ខែកក្កដា ឆ្នាំ២០២១ មាន២៤ក្រុមចូលរួមចែកជា៦ពូល ក្នុង១ពូលមាន៤ក្រុម។ ក្រុមទាំងអស់ចម្រាញ់យក១៦ក្រុមចុងក្រោយឡើងទៅវគ្គបន្ត ហើយប្រកួតគ្នាជម្រុះរហូតដល់វគ្គផ្ដាច់ព្រ័ត្រ៕