អស់រយៈពេលប៉ុន្មានថ្ងៃមកនេះឃើញថាមានអ្នកបង្កើតពាក្យចចាមអារាមមួយចំនួន ជុំវិញរឿងរ៉ាវរបស់ លោក មាស ចាន់ណា គ្រូបង្វឹករបស់ក្លិបបាល់ទាត់វិសាខា កំពុងពិភាក្សាជាមួយសហព័ន្ធកីឡាបាល់ទាត់កម្ពុជា ទៅដឹកនាំក្រុមជម្រើសជាតិ បន្ទាប់ពីការចាកចេញរបស់លោក Keisuke Honda។
ភ្លាមៗនោះលោក មាស ចាន់ណា បានប្រាប់មកក្រុមការងារសារព័ត៌មានត្រយងថា៖«ខ្ញុំមិនមានផែនការណាមួយចាកចេញពីក្រុមដ៏ល្អជាងគេ ដូចក្លិបបាល់ទាត់វិសាខា នោះទេ»។
ខណ:ព័ត៌មានដែលចុះផ្សាយថា៖«លោកគ្រូ មាស ចាន់ណា អតីតគ្រូបង្វឹកវិសាខា កំពុងពិភាក្សាជាមួយសហព័ន្ធកីឡាបាល់ទាត់កម្ពុជា។ ឥឡូវនេះលោក គឺជាបេក្ខភាពនាំមុខគេក្នុងការក្លាយជាគ្រូបង្វឹកថ្មីរបស់ក្រុមជម្រើសជាតិកម្ពុជាក្រោយលោក Keisuke Honda អស់ដំណែងនៅចុងបញ្ចប់សុីហ្គេម ២០២៣» គឺជារឿងមិនពិតឡើយ។
លោក មាស ចាន់ណា ចូលរួមជាមួយក្លិបបាល់ទាត់វិសាខា នៅថ្ងៃចន្ទ ទី៦ ខែធ្នូ ឆ្នាំ២០២១ ក្រោយផុតកិច្ចសន្យាជាមួយក្រុមណាហ្គាវើល រយ:ពេល១រដូវកាលលោកបានជួយឲ្យក្លិបឈ្នះពានរង្វាន់សម្ដេចអគ្គមហាសេនាបតីតេជោ ហ៊ុន សែន ថ្នាក់ជាតិ ឆ្នាំ២០២២ និងទទួលបានជើងឯករង CPL។
ក្រុមវិសាខា ឆ្នាំ២០២២ នេះដឹកនាំដោយលោក មាស ចាន់ណា ដែលជាបុគ្គលម្នាក់បង្ហាញមុខក្នុងពានរង្វាន់សម្តេចតេជោ វគ្គផ្តាច់ព្រ័ត្រច្រើនដងជាងគេ ទាំងកាលជាកីឡាករផង និងអាជីពជាគ្រូបង្វឹកផង ពោលគឺរហូតដល់៨លើកឯណោះ។
វិសាខា ឈ្នះគ្រប់ការប្រកួត ពោលគឺមិនដែលស្មើ ហើយបន្តឱ្យកាត់សេចក្តីដល់វគ្គប៉េណាំងទីឡើយ។ លទ្ធផលសរុបមាន៖
*វគ្គ១៦ក្រុមចុងក្រោយ
-ជើងទី១៖ សៀមរាប ០-៦ វិសាខា
-ជើងទី២៖ វិសាខា ៣-២ សៀមរាប
*វគ្គ៨ក្រុមចុងក្រោយ
-ជើងទី១៖ Tiffy Army FC ១-៣ វិសាខា
-ជើងទី២៖ វិសាខា ៣-០ Tiffy Army FC
*វគ្គពាក់កណ្តាលផ្ដាច់ព្រ័ត្រ
-ជើងទី១៖ ភ្នំពេញក្រោន ១-២ វិសាខា
-ជើងទី២៖ វិសាខា ២-១ ភ្នំពេញក្រោន
*វគ្គផ្ដាច់ព្រ័ត្រ
-បឹងកេត ២-២ វិសាខា (ថែមម៉ោង១៥នាទីចំនួន២លើក បឹងកេត ៣-៤ វិសាខា)។
រកបានជ័យជម្នះ២ប្រកួតជាប់ៗគ្នាក្នុងវគ្គសន្សំពិន្ទុពូល G នៃពានរង្វាន់កម្រិតទ្វីបអាស៊ី AFC Cup 2022 នៅកោះបាលី ប្រទេសឥណ្ឌូណេស៊ី។
លទ្ធផល២ប្រកួតរបស់វិសាខានៅ AFC Cup 2022៖
– វិសាខា 2-1 Kaya F.C.–Iloilo របស់ហ្វីលីពីន លើទីលានកីឡដ្ឋាន Kapten I Wayan Dipta
– វិសាខា 5-2 Bali United របស់ឥណ្ឌូនេស៊ី លើទីលានកីឡដ្ឋាន Kapten I Wayan Dipta
– វិសាខា 1-5 Kedah Darul Aman របស់ម៉ាឡេស៊ី លើទីលានកីឡដ្ឋាន Kapten I Wayan Dipta៕
