បន្ទាប់ពីបានគ្រងតំណែងជើងឯកពានរង្វាន់សម្ដេចអគ្គមហាសេនាបតីតេជោ ហ៊ុន សែន ៣រដូវកាលជាប់គ្នាកន្លងមក ក្លិបបាល់ទាត់វិសាខា នឹងរៀបចំដំណើរកម្សាន្តទៅកាន់ខេត្តចំនួន ៦នៅក្នុងប្រទេសរួមមាន៖ ខេត្តបាត់ដំបង, ខេត្តបន្ទាយមានជ័យ, ខេត្តព្រៃវែង, ខេត្តកែប, ខេត្តកំពត, និងខេត្តព្រះសីហនុ។
ក្រុមបាល់ទាត់វិសាខា បានយកឈ្នះលើក្រុមបាល់ទាត់បឹងកេត ដោយលទ្ធផល ៤-៣ ក្នុងជំនួបវគ្គផ្តាច់ព្រ័ត្រ នៃពានរង្វាន់សម្ដេចអគ្គមហាសេនាបតីតេជោ ហ៊ុន សែន ឆ្នាំ២០២២ កន្លងទៅ នាំឲ្យវិសាខា គ្រងជើងឯកជាលើកទី៣ ជាប្រវត្តិសាស្រ្ត។
សម្រាប់រដូវកាលឆ្នាំ២០២២នេះ ចំណាត់ថ្នាក់លីគកំពូលកម្ពុជា ក្រុមបាល់ទាត់វិសាខា ទទួលបានចំណាត់ថ្នាក់ជើងឯករងមាន ៥២ពិន្ទុ ខណ:ភ្នំពេញក្រោនទទួលបានជើងឯក មាន ៥២ពិន្ទុ លេខ៣ ព្រះខ័នរាជស្វាយរៀង ៤៩ពិន្ទុ លេខ៤ បឹងកេត ៣៩ពិន្ទុ លេខ៥ ណាហ្គាវើល ២៩ពិន្ទុ លេខ៦ Tiffy Army FC ២៣ពិន្ទុ លេខ៧ អង្គរថាយហ្គឺរ ២១ពិន្ទុ លេខ៨៖ គីរីវង់សុខសែនជ័យ ៥ពិន្ទុ៕
