សិល្បៈជាតិ៖ ភាពយន្តខ្នាតធំកម្រិតអន្តរជាតិ ដែលផ្ដោតជាពិសេសលើក្បាច់គុនខ្មែរ «ហនុមាន Shadow Master» សម្ដែងដោយខ្មែរអាមេរិកាំង ឌី សៅ ត្រៀមនឹងយកមកចាក់បញ្ចាំងនៅតាមរោងភាពយន្តខ្មែរ ដើម្បីឱ្យអ្នកគាំទ្របានទស្សនានៅថ្ងៃទី១៣ ខែមករា ឆ្នាំ២០២៣ ខាងមុខនេះហើយ។
ភាពយន្តក្បាច់គុនដែលជាវណ្ណកម្មភាពយន្តបរទេសនេះ មានតួឯកជាជនជាតិខ្មែរគឺលោក ឌី សៅ ដែលមានដើមកំណើតនៅខេត្តបាត់ដំបង និងបច្ចុប្បន្នកំពុងរស់នៅសហរដ្ឋអាមេរិក។ បើតាមការរៀបរាប់ពីលោក ឌី សៅ លោកមិនបានសរសេររឿង ឬដឹកនាំរឿងនោះទេ តែលោកគឺជាអ្នក Design ក្បាច់គុននៅក្នុងរឿងនេះ។
បងប្អូនកុំភ្លេចរង់ចាំតាមដានសាច់រឿង ហនុមាន SHADOW MASTER ដើម្បីជួយលើកទឹកចិត្តនិងគាំទ្រដល់កូនខ្មែរយើងដែលកំពុងតែកសាងកេរ្តិ៍ឈ្មោះនៅលើឆាកអន្តរជាតិ ពិសេសក្នុងវិស័យភាពយន្តបែបវាយតប់គ្នា៕
ទស្សនាវីដេអូលោក ឌី សៅ ខាងក្រោមនេះ
