សៀមរាប ៖ អគ្គិភ័យឆាបឆេះផ្ទះជួសជុលម៉ូតូ មួយកន្លែងបណ្តាលឲ្យមនុស្ស៣នាក់រងរបួស ម៉ូតូចំនួន៤គ្រឿង រង ខូចខាត និងសម្ភារៈមួយចំនួនទៀត បង្កឲ្យភ្ញាក់ផ្អើល កាលពីវេលាម៉ោង១០និង៣០នាទីព្រឹក ថ្ងៃទី០៧ ខែមករា ឆ្នាំ២០២៣ នៅផ្ទះជួសជុលមូតូយុីហោ ជាង ពេជ្រ ក្រុមទី១២ ភូមិវិហារចិន សង្កាត់ស្វាយដង្គំ ក្រុងសៀមរាប ខេត្តសៀមរាប ។
តាមសមត្ថកិច្ចបានឲ្យដឹងថា គ្រោះអគ្គិភ័យខាងលើផ្តើមចេញពីទុស្សេខ្សែភ្លើង ធ្វើឲ្យមនុស្ស៣នាក់រងរបួស ទី១ ឈ្មោះ សែត ភិរុណ ហៅពេជ្រ ភេទប្រុស អាយុ៣១ឆ្នាំ ជាម្ចាស់ទីតាំង ។ ទី២ ឈ្មោះ សែត សាត ភេទប្រុស អាយុ២៣ឆ្នាំ ជាងជួសជុលម៉ូតូ ។ ទី៣ ឈ្មោះ ពេជ្រ ហួត ភេទប្រុស អាយុ២៧ឆ្នាំ ជាងជួសជុលម៉ូតូ ។ ក្រៅពីរបួសម្ចាស់ផ្ទះ ខូចខាតម៉ូតូចំនួន៤គ្រឿង ៖ ម៉ូតូម៉ាកត្រៃយ៍ចំនួន២គ្រឿង ,
ម៉ូតូម៉ាកCB ចំនួន១គ្រឿង , ម៉ូតូម៉ាកណៃហត ចំនួន១គ្រឿង និងសម្ភាតៈអស់មួយចំនួនទៀត ។
ក្នុងប្រតិបត្តិការខាងលើ កម្លាំងសមត្ថកិច្ច រថយន្តពន្លត់អគ្គិភ័យចំនួន៤គ្រឿង ចេញទៅអន្តរាគមន៍
រថយន្តពន្លត់អគ្គិភ័យរបស់ស្នងការនគរបាលខេត្ត ចំនួន២គ្រឿង រថយន្តពន្លត់អគ្គិភ័យរបស់អាជ្ញាធរជាតិអប្សរាចំនួន២គ្រឿង បាញ់ទឹកពន្លត់ភ្លើង ៕
អត្ថបទ÷តាតុងសែនជ័យ