កំលោះជនជាតិថៃលោក Patrick Kun កំពុងតែល្បីល្បាញកម្រិតពិភពលោក ព្រោះលោកបានប្រើសមត្ថភាពជាមួយនឹងការបង្ហាញល្បិចរហស្សកម្មដោយប្រើសន្លឹកបៀរ ក្នុងវគ្គ Judge Audition រហូតធ្វើឱ្យគណៈកម្មការមានការភ្ញាក់ផ្អើលយ៉ាងខ្លាំង។
សូមចុចអាន ម្ចាស់កណ្ដឹងមាស America’s Got Talent ឆ្នាំ ២០២១ ជាអ្នកជំងឺមហារីកមានឱកាសរស់ត្រឹម២%!
យោងតាមការចុះផ្សាយរបស់សារព័ត៌មាន KaPook ជនជាតិថៃមានការភ្ញាក់ផ្អើលយ៉ាងខ្លាំងដែល បេក្ខជន Patrick Kun អ្នកលេងសៀករហស្សកម្មល្បីវ័យ ៣៣ឆ្នាំ ដែលបានចូលរួមការប្រកួតល្បីលំដាប់ពិភពលោក America’s Got Talent 2021 ហើយបានបង្ហាញសមត្ថភាពជំនាញសៀករហស្សកម្មរបស់ខ្លួនបានយ៉ាងល្អឥតខ្ចោះរហូតធ្វើឱ្យគណៈកម្មការមានភ្ញាក់ផ្អើលនិងមានចម្ងល់យ៉ាងខ្លាំងចំពោះស្នាដៃរបស់គេដែលបានបង្ហាញក្នុងកម្មវិធី ព្រោះគេអាចធ្វើឱ្យបៀរដែលគណៈកម្មការស៊ីញ៉េឈ្មោះលើនោះស្រាប់តែបាត់ ហើយសុខៗស្រាប់តែសន្លឹកបៀរនោះបង្ហាញខ្លួនមកវិញ។
សមត្ថភាព និង ទេពកោសល្យដ៏អស្ចារ្យដែលអាចចាត់ទុកបានថាជា Highlight របស់កម្មវិធីនោះគឺ នៅពេលដែល Patrick យកសន្លឹកបៀរទៅដាក់នៅខាងក្រោមដៃ Sofia និង Howie មុននឹងបង្ហាញចេញមកវិញគឺមានរួមទាំងសន្លឹកបៀរដែលមានស៊ីញ៉ែរបស់គណៈកម្មការទាំង៤រូប បែរជាត្រលប់ចូលទៅក្នុងប្រអប់ថ្មីដែលទ់បតែបើកយកចេញមកតាំងពីដំបូង គឺដូចទៅនឹង Slogan ដែល Patrick បាននិយាយថា «The End is the Beginning and the beginning is the end» ឬមានន័យជាភាសាខ្មែរថា «ទីបញ្ចប់គឺជាការចាប់ផ្ដើម ហើយការចាប់ផ្ដើមគឺជាការបញ្ចប់»
Patrick Kun គឺជាអ្នកលេងសៀកដ៏ល្បីល្បាញមួយរូបប្រចាំទីក្រុងបាងកកប្រទេសថៃ មុននឹងផ្លាស់ប្ដូរលំនៅទៅរស់នៅសហរដ្ឋអាមេរិកវិញ។
ឃ្លីបវីដេអូបង្ហាញសមត្ថភាពរបស់ Patrick នៅលើ Channel Youtube របស់ America’s Got Talent មានចំនួនចូលទស្សនាជាង ៣ លានដងហើយ៕
ប្រភព៖ Kapook
