ស្ថានីយទូរទស្សន៍ប៉ុស្ដិ៍លេខ៣ថៃ ត្រៀមបញ្ជូនភាពយន្តភាគចំនួន ៦រឿង ៦រសជាតិ ទៅបញ្ចាំងលើ NETFLIX ដោយអាចឱ្យអ្នកនិយមទស្សនាភាពយន្តថៃនៅប្រទេសក្នុងតំបន់អាស៊ាននិងភូមិភាគអាស៊ីបានទស្សនាព្រមៗគ្នា។ ចង់ដឹងថាតើ ភាពយន្តថៃទាំង៦ រឿង ដែលនឹងត្រៀមបញ្ចាំងនៅលើ Platform NETFLIX មានអ្វីខ្លះសូមតាមដានខាងក្រោមនេះ៖
១.Dare To Love (ទុកឱ្យស្នេហាអ្នកកាត់ក្ដី) ៖ ភាពយន្តភាគថ្មីចុងក្រោយរបស់ ម៉ែការ៉ាកេត (បុព្វេសន្និវាស) និង Kongthop Peak អ្នកកំលោះថៃដំបូងនិងតែម្នាក់ដែលបានចូលរួមប្រកួតនៅក្នុងកម្មវិធី Reality Show របស់ប្រទេសកូរ៉េដ៏ល្បី Produce X 101 រដូវកាលទី៤។
២. I See Dead People (កែវភ្នែកទី៣) ៖ សម្ដែងដោយ Mew Nittha តួឯកស្រីដ៏ល្បីពីភាពយន្តភាគមនោសញ្ចេតនាលាយកំប្លែង ទ្រូងស្ទើបេះបែកលួចស្នេហ៍លោកប្ដី (My Husband in Law) និង James Ma តួឯកដ៏ល្បីល្បាញរបស់ប៉ុស្ដិ៍លេខ៣ថៃ។
៣. Help Me! Oh My Ghost (ជួួយផង! លោកបងខ្មោច) ៖ សម្ដែងដោយ Ter Chantavit តួឯកប្រុសដ៏ល្បីល្បាញបំផុតពីភាពយន្តមនោសញ្ចេតនា ONEDAY (ថ្ងៃសង្សារ…សង្សារត្រឹមតែមួយថ្ងៃ) និង Diana Flipo តួស្រីមុខកូនកាត់ដ៏ស្រស់សោភា។
៤. The Deadly Affair (ល្បែងស្នេហាពិឃាត) ៖ សម្ដែងដោយតួឯកប្រុសមុខស្រទន់ James Jirayu និង Gina Yeena។
៥. Game Of Out Laws (ល្បែងប្រម៉ាញ់ជនពាល) ៖ សម្ដែងដោយ Mark Prin តួឯកប្រុសដ៏ល្បីពីភាពយន្តភាគ ទ្រូងស្ទើរហែកលួចស្នេហ៍លោកប្ដី (My Husband In Law) និង Taew Natapohn តួឯកស្រីព្រះម៉ែនាគីដ៏ល្បី។
៦. The Miracle of Teddy Bear (Boy Love Series) ៖ ភាពយន្តភាគលក្ខណៈបុរសស្រលាញ់បុរសទីមួយដែលស្ថានីយទូរទស្សន៍ប៉ុស្ដិ៍លេខ៣ផលិតឡើងនេះ មានឈ្មោះជាភាសាថៃថា ខ្លាឃ្មុំមហស្ចារ្យ មានតួប្រុសពីនាក់មកសម្ដែងជាតួឯកគឺ In Sarin និង Job Thuchapon។ រឿងនេះមានគម្រោងផ្សាយចេញលក្ខណៈ DOB (Date-of-Broadcast) គឺបានសេចក្ដីថាអ្នកទស្សនានៅបរទេសអាចទស្សនារឿងនេះនៅក្នុងថ្ងៃជាមួយគ្នា ព្រោះនៅពេលរឿងនេះចាក់ផ្សាយនៅប្រទេសថៃចប់ ត្រឹមរយៈពេល២ម៉ោងក្រោយទស្សនិកជននៅបរទេសអាចទស្សនាបានហើយ។
សូមចុចអាន Netflix ត្រៀមលើកដៃ Bye-Bye ភាពយន្ត៥៣ រឿងក្នុងខែមិថុនានេះ!
សម្រាប់រឿងភាគពីទីមួយរហូតដល់ទីប្រាំ អ្នកទស្សនានិយមតាមដានរឿងថៃអាច មើលតាម Netflix ឃើញចំនួន១០ប្រទេសទូទាំងអាស៊ាន មាន ប្រទេសឡាវ ប្រទេសកម្ពុជា ប្រទេសមីយ៉ាន់ម៉ា ប្រទេសវៀតណាម ប្រទេសហ្វីលីពីន ប្រទេសឥណ្ឌូនេស៊ី ប្រទេសប្រុយណេ ប្រទេសសិង្ហបុរី ប្រទេសម៉ាឡេស៊ី និង ទីម័រខាងកើត។
សូមបញ្ជាក់ផងដែរថារឿងភាគថៃដំបូងដែលនឹងលើកយកទៅបញ្ចាំងនៅលើ NETFLIX គឺរឿង Dare To Love ដែលសម្ដែងដោយ Bella Ranee និង Kongthap Peak ជាអតីតបេក្ខភាពប្រកួតកម្មវិធី Produce X101 របស់ប្រទេសកូរ៉េខាងត្បូងផងដែរ៕
