រកឃើញ៤ក្រុមបន្តពីពូល B និង C ឡើងទៅវគ្គ១៦ក្រុមចុងក្រោយ ក្នុងពានរង្វាន់បាល់ទាត់ជើងឯកទ្វីបអឺរ៉ុប UEFA Euro 2020 ខណៈមាន២ក្រុមដែលឈរចំណាត់ថ្នាក់លេខ៣ នៅរង់ចាំអ៊ុតប្រៀបធៀបនឹងពូលផ្សេងៗ រកអ្នកមានពិន្ទុច្រើនចំនួន៤ក្រុមដើម្បីជុំបន្តដូចគ្នា។
សរុបលទ្ធផលប្រកួតចុងក្រោយនៅក្នុងពូល B និង C យប់មិញមាន៖
-រុស្ស៊ី ១-៤ ដាណឺម៉ាក
-ហ្វាំងឡង់ ០-២ បែលហ្សិក
-កោះម៉ាសេដូនី ០-៣ ហុល្លង់
-អ៊ុយក្រែន ០-១ អូទ្រីស
ដូច្នេះក្រុមខ្លាំងទាំង៤មានឈ្មោះឡើងទៅជុំបន្តមាន ពូល B បែលហ្សិក និងដាណឺម៉ាក ពូល C ហុល្លង់ និងអូទ្រីស ចំណែកក្រុមអ៊ុយក្រែន និងហ្វាំងឡង់ ដែលឈរលេខ៣ក្នុងពូលនីមួយៗត្រូវរង់ចាំអ៊ុតពិន្ទុជាមួយពូលផ្សេងៗទៀត។ ចំណែកពូល A បានរកឃើញ២ក្រុមឡើងមុនគេ ដោយក្នុងនោះមានអ៉ីតាលី និងវ៉ែល។
សម្រាប់ប្រកួតបន្ទាប់នៅយប់ថ្ងៃអង្គារ ចូលថ្ងៃពុធ នេះមាន៖
-ស៊ុយអែត Vs ប៉ូឡូញ ម៉ោង១១យប់
-ស្លូវ៉ាគី Vs អេស្ប៉ាញ ម៉ោង១១យប់
-ក្រូអាត Vs ស្កុតឡែន ម៉ោង២រំលងអាធ្រាត្រ
-ឆែក Vs អង់គ្លេស ម៉ោង២ រំលងអាធ្រាត្រ