ក្លិបបាល់ទាត់វិសាខា សម្រេចបន្តកិច្ចសន្យាជូនខ្សែការពារអាហ្វ្រិកខាងត្បូង Khan Mohammed Faeez រហូតដល់ឆ្នាំ២០២៤ បន្ទាប់ពីខ្សែការពាររូបនេះ បានព្យាបាលរបួសជាសះស្បើយ ១០០% ដើម្បីត្រៀមប្រយុទ្ធលើសមរភូមិវាលស្មៅ នារដូវកាលថ្មី ឆ្នាំ២០២៣ ខាងមុខ។
គួរបញ្ជាក់ឲ្យដឹងថាខ្សែការពារអាហ្វ្រិកខាងត្បូង Khan Mohammed Faeez បានមកដល់កម្ពុជាដំបូងនៅឆ្នាំ២០១៩ ដោយចូលរួមជាមួយក្រសួងការពារជាតិ មុននឹងផ្ទេរទៅកាន់ក្លិបបាល់ទាត់វិសាខា នៅឆ្នាំ២០២០។
Faeez បច្ចុប្បន្នមានវ័យ២៩ឆ្នាំ បានចាប់ផ្ដើមអាជីពបាល់ទាត់ដំបូងនៅប្រទេសកំណើតរបស់គាត់ (អាហ្រ្វិកខាងត្បូង) ជាមួយក្លិប Milano United, Tshakhuma Tsha Madzivhandila ដែលស្ថិតនៅលីគលំដាប់ទី២។ លុះដល់ឆ្នាំ២០១៩ Mohammed Faeez Khan បានផ្លាស់ទៅចូលរួមជាមួយក្រុមនៅលីគទី៤ របស់ប្រទេសថៃ Phatthalung FC មុនផ្លាស់មកកាន់ក្រសួងការពារជាតិ នៅឆ្នាំដដែល៕
