ក្រុមបាល់ទះជម្រើសជាតិនារីរបស់ថៃ បានធ្វើដំណើរមកដល់មាតុភូមិវិញហើយ នៅរសៀលថ្ងៃអង្គារ ទី២២ខែមិថុនា ក្រោយអស់ឱកាសឡើងទៅជុំបន្តក្នុងពានរង្វាន់ជើងឯកពិភពលោក 2021 FIVB Volleyball Women’s Nations League ដែលធ្វើឡើងនៅទីក្រុង Rimini ប្រទេសអ៊ីតាលី កាលពីពេលថ្មីៗ។
ក្នុងវគ្គសន្សំពិន្ទុក្នុងចំណោមសមាជិកទាំង១៦ក្រុម ថៃ បានប្រកួតចាញ់១៣លើកនឹងឈ្នះ២លើក ឈរនៅបាតតារាងក្រោយមានត្រឹម៦ពិន្ទុតិចជាងគេ។
អត្ថបទពាក់ព័ន្ធ៖FIVB VNL 2021៖នារីអាមេរិក ប្រេស៊ីល ជប៉ុន និងទួរគី ឡើងទៅវគ្គពាក់កណ្ដាលផ្ដាច់ព្រ័ត្រ
លទ្ធផលប្រកួតកន្លងមកថៃ បានប្រកួតចាញ់ក្រុមជប៉ុន ៣សិតទល់០, ចាញ់កូរ៉េខាងត្បូង ៣សិតទល់១, ចាញ់ចិន ៣សិតទល់០, ចាញ់ហុល្លង់ ៣សិតទល់០, ចាញ់សែប ៣សិតទល់០,ចាញ់អាមេរិក ៣សិតទល់០,ចាញ់ទួរគី ៣សិតទល់១, ចាញ់រុស្ស៊ី ៣សិតទល់១, ចាញ់សាធារណរដ្ឋដូមីនីក ៣សិតទល់០, ឈ្នះអាល្លឺម៉ង់ ៣សិតទល់១,ចាញ់ប៉ូឡូញ ៣សិតទល់០,ចាញ់ប្រេស៊ីល ៣សិតទល់០ ចាញ់បែលហ្សិក ៣សិតទល់១, ឈ្នះកាណាដា ៣សិតទល់០ និងចាញ់អ៊ីតាលី ៣សិតទល់១។
សូមបញ្ជាក់ថាសហព័ន្ធកីឡាបាល់ទះថៃ បានតែងតាំងលោក Kittikun Sriutthawong អតីតប្រធានក្រុមជម្រើសជាតិបុរសថៃ ធ្វើជាគ្រូបង្វឹកជំនួសលោក Danai Sriwatcharamethakul ដែលជាគ្រូបង្វឹកត្រូវធ្វើចត្តាឡឺស័ក ជាមួយនឹងក្រុមបាល់ទះនារី ឈុតចាស់ដែលឆ្លងកូវីដ-១៩ មុនពេលពានរង្វាន់ 2021 FIVB Volleyball Women’s Nations League។ លោក Kittikun Sriutthawong បានជ្រើសរើសកីឡាការិនីថ្មី ចេញទៅប្រកួតតែម្តង។
អត្ថបទពាក់ព័ន្ធ៖រាជិនីបាល់ទះថៃ Ajcharaporn Kongyot ចុះកុងត្រាលេងឱ្យក្លិបនៅលីគទួរគី
ពានរង្វាន់ 2021 FIVB Volleyball Women’s Nations League មានក្រុមចូលរួមចំនួន១៦ក្រុមមកពី៤ទ្វីប ធ្វើឡើងនៅប្រទេសអ៊ីតាលី ពីថ្ងៃទី២៥ ខែឧសភា ដល់ថ្ងៃទី២៥ ខែមិថុនា ឆ្នាំ២០២១។ ក្រោយប្រកួតសន្សំពិន្ទុវិលជុំឃើញថាក្រុមអាមេរិក,ប្រេស៊ីល,ជប៉ុន និងទួរគី មានឈ្មោះឡើងទៅប្រកួតវគ្គពាក់កណ្ដាលផ្ដាច់ព្រ័ត្រ៕
