ក្នុងព្រឹត្តិការណ៍ប្រកួតពានរង្វាន់ AFF Mitsubishi Electric Cup 2022 ក្រុមជម្រើសជាតិថៃបានក្លាយជាជើងឯកលើកទី៧ ច្រើនជាងគេប្រចាំតំបន់អាស៊ាន ក្រោយយកឈ្នះវៀតណាម។ បន្ទាប់ពីបញ្ចប់ព្រឹត្តិការណ៍នេះ ថៃក៏ជាក្រុមដែលរកគ្រាប់បាល់បានច្រើនគឺរហូតដល់១៩គ្រាប់ គេស៊ុតចូល៥គ្រាប់ ខណ:វៀតណាមរកបាន១៦គ្រាប់ តែមានអ្នកស៊ុតចូលត្រឹម៣គ្រាប់ប៉ុណ្ណេះ។
ខណ:កីឡាករដែលទទួលបានកាតក្រហមមាន៦នាក់ ក្នុងជំនួបទាំង២៦ប្រកួតកន្លងមក ខាងក្រោមនេះជាកីឡាករដែលទទួលបានកាតក្រហមក្នុងពេលប្រកួត៖
១. កីឡាករ Nanda Kyaw របស់មីយ៉ាន់ម៉ា ពេលប្រកួតប៉ះសិង្ហបុរី
២. កីឡាករ Alinur Jufri របស់ប្រ៊ុយណេ ពេលប្រកួតប៉ះឥណ្ឌូណេស៊ី
៣. កីឡាករ Nguyen Van Toan និងកីឡាករ Azam Bin Azmi Murad វៀតណាម ពេលប្រកួតប៉ះម៉ាឡេស៊ី
៤. កីឡាករ Sanrawat Dechmitr របស់ថៃ ពេលប្រកួតប៉ះឥណ្ឌូណេស៊ី
៥. កីឡាករ Peeradol Chamrasamee របស់ថៃ ពេលប្រកួតប៉ះវៀតណាម វគ្គផ្ដាច់ព្រ័ត្រ
គូសបញ្ជាក់ថាថៃ ក្លាយជាក្រុមឈ្នះជើងឯកពានរង្វាន់បុរសប្រចាំតំបន់អាស៊ាន នេះបានច្រើន ជាងគេរហូតដល់ទៅ៧លើក (១៩៩៦,២០០០,២០០២,២០១៤,២០១៦,២០២០,២០២២) ហើយសិង្ហបុរី ឈ្នះបាន៤លើក (១៩៩៨,២០០៤,២០០៧,២០១២) វៀតណាម ឈ្នះ២លើក (២០០៨,២០១៨) និងម៉ាឡេស៊ី ឈ្នះបាន១លើក (២០១០)។ រីឯក្រុមឥណ្ឌូណេស៊ី ឡើងវគ្គផ្ដាច់ព្រ័ត្រសរុប៦លើក តែបរាជ័យរហូត៕
