ពានរង្វាន់បាល់ទាត់ធំប្រចាំតំបន់អាស៊ាន AFF Mitsubishi Electric Cup 2022 បានរកឃើញក្រុមម្ចាស់ជើងឯកហើយ គឺក្រុមជម្រើសជាតិថៃ ក្រោយយកឈ្នះវៀតណាម ក្នុងលទ្ធផល ១-០ ទាត់ចូលដោយប្រធានក្រុមកីឡាករ Theerathon Bunmathan។ ខណ:ជើងទី១ ស្មើគ្នា ២-២ ដូច្នេះសរុបទាំងពីរជើង (ថៃឈ្នះ ៣-២)។
ខណ:ទម្រង់លេង 4-4-2 ត្រូវបានគេប្រើច្រើនជាងគេរហូតដល់១៤លើក គិតទាំង២៦ប្រកួតទាំងអស់ នេះបើយោងតាមការបញ្ជាក់របស់គេហទំព័រ AFF Mitsubishi Electric Cup មានដូចជា៖ ថៃ ៣លើក, ហ្វីលីពីន ៤លើក, ប្រ៊ុយណេ ៤លើក ឡាវ ២លើក និងឥណ្ឌូណេស៊ី ១លើក។
ខាងក្រោមនេះគឺជាទម្រង់លេងដែលក្រុមទាំង១០នៅតំបន់អាស៊ានប្រើប្រាស់ក្នុងការប្រកួតពាន AFF Mitsubishi Electric Cup 2022 ទាំង២៦ប្រកួត៖
ក្រុមឈ្នះជើងឯកពានរង្វាន់បុរសប្រចាំតំបន់អាស៊ាន ចាប់ពីឆ្នាំ១៩៩៦ ដល់ឆ្នាំ២០២២៖
- ថៃ ឈ្នះបាន៧លើក៖ ឆ្នាំ១៩៩៦,២០០០,២០០២,២០១៤,២០១៦,២០២០,២០២២
- សិង្ហបុរី ឈ្នះបាន៤លើក៖ ឆ្នាំ១៩៩៨,២០០៤,២០០៧,២០១២
- វៀតណាម ឈ្នះបាន២លើក៖ ឆ្នាំ២០០៨,២០១៨
- ម៉ាឡេស៊ី ឈ្នះបាន១លើក៖ ឆ្នាំ២០១០
- ចំណែកក្រុមឥណ្ឌូណេស៊ី ឡើងវគ្គផ្ដាច់ព្រ័ត្រសរុប៦លើក តែបរាជ័យរហូត៕
