ក្រុមជម្រើសជាតិថៃ បានគ្រងជើងឯកពានរង្វាន់ AFF Mitsubishi Electric Cup 2022 ហើយក៏ជាក្រុមដែលរកគ្រាប់បាល់បានច្រើនគឺរហូតដល់១៩គ្រាប់ ខណ:វៀតណាមរកបាន១៦គ្រាប់ តែមានអ្នកស៊ុតចូលក្នុងចំណោមក្រុមសរុបទាំង១០ ប្រកួតគ្នាបាន២៦ប្រកួត។
ខណ:មានទាត់បញ្ជូលទីគ្នាទៅមកចំនួន៩០គ្រាប់ មានប្រទេសចំនួន៥រកគ្រាប់ទាត់បាល់បញ្ជូលទីគូប្រកួតចាប់ពី១០គ្រាប់ឡើងទៅ ដោយក្នុងនោះមានកម្ពុជា។ សម្រាប់តំណែង Top Scorers ឆ្នាំនេះគឺខ្សែប្រយុទ្ធ Teerasil Dangda ថៃ និង Nguyễn Tiến Linh វៀតណាម ក្នុងនាមជាកីឡាករ ស៊ុតបញ្ចូលទីច្រើនជាងគេ សរុប៦គ្រាប់ ដូចគ្នា។
ខាងក្រោមនេះគឺជាបញ្ជីឈ្មោះកីឡាករ Top Scorers ចាប់តាំងពីឆ្នាំដំបូងដល់បច្ចុប្បន្ន៖
- ឆ្នាំ១៩៩៦ កីឡាករ Natipong Sritong-In ថៃ រកបាន៧គ្រាប់
- ឆ្នាំ១៩៩៨ កីឡាករ Myo Hlaing Win មីយ៉ាន់ម៉ា រកបាន៤គ្រាប់
- ឆ្នាំ២០០០ កីឡាករ Gendut Doni Christiawan ឥណ្ឌូណេស៊ី និងកីឡាករ Worrawoot Srimaka ថៃ រកបាន៥គ្រាប់
- ឆ្នាំ២០០២ កីឡាករ Bambang Pamungkas ឥណ្ឌូណេស៊ី រកបាន៨គ្រាប់
- ឆ្នាំ២០០៤ កីឡាករ Ilham Jaya Kesuma ឥណ្ឌូណេស៊ី រកបាន ៧គ្រាប់
- ឆ្នាំ២០០៧ កីឡាករ Noh Alam Shah សិង្ហបុរី រកបាន១០គ្រាប់
- ឆ្នាំ២០០៨ កីឡាករ Budi Sudarsono ឥណ្ឌូណេស៊ី, កីឡាករ Agu Casmir សិង្ហបុរី, កីឡាករ Teerasil Dangda ថៃ រកបាន៤គ្រាប់
- ឆ្នាំ២០១០ កីឡាករ Safee Sali ម៉ាឡេស៊ី រកបាន៥គ្រាប់
- ឆ្នាំ២០១២ កីឡាករ Teerasil Dangda ថៃ រកបាន៥គ្រាប់
- ឆ្នាំ២០១៤ កីឡាករ Safiq Rahim ម៉ាឡេស៊ី រកបាន៦គ្រាប់
- ឆ្នាំ២០១៦ កីឡាករ Teerasil Dangda ថៃ រកបាន៦គ្រាប់
- ឆ្នាំ២០១៨ កីឡាករ Adisak Kraisorn ថៃ រកបាន៨គ្រាប់
- ឆ្នាំ២០២០ កីឡាករ Safawi Rasid ម៉ាឡេស៊ី, Philippinesកីឡាករ Bienvenido Marañón, កីឡាករ Chanathip Songkrasin និងកីឡាករ Teerasil Dangda ថៃ រកបាន៤គ្រាប់
- ឆ្នាំ២០២២ កីឡាករ Teerasil Dangda ថៃ និងកីឡាករ Nguyễn Tiến Linh វៀតណាម រកបាន៦គ្រាប់
ឆ្លងកាត់១៤រដូវកាលមកនេះ ខ្សែប្រយុទ្ធ Teerasil Dangda របស់ក្រុមជម្រើសជាតិថៃ គឺជាកីឡាករតែម្នាក់គត់ដែលបានជាប់ក្នុងបញ្ជីឈ្មោះ Top Scorers ច្រើនជាងគេរហូតដល់ ៥លើកគឺនៅឆ្នាំ២០០៨, ២០១២, ២០១៦, ២០២០ និងឆ្នាំ២០២២។
គួរដឹងថាពានរង្វាន់ជើងឯកបាល់ទាត់បុរសប្រចាំតំបន់អាស៊ាន បង្កើតឡើងដំបូងតាំងពីឆ្នាំ ១៩៩៦ មកម៉្លេះ ដោយប្រកួតរាល់២ឆ្នាំម្តង ស្របពេលដំបូងឡើយប្រើឈ្មោះជា AFF Tiger Cup រហូតដល់ឆ្នាំ២០០៤ ហើយក៏ប្តួរឈ្មោះទៅជា AFF Suzuki Cup វិញម្តងចាប់ពីឆ្នាំ២០០៧មក និងចុងក្រោយចាប់ពីឆ្នាំ២០២២តទៅ ប្រើឈ្មោះជា AFF Mitsubishi Electric Cup វិញម្តង៕
