គិតត្រឹមពេលនេះក្រុមជម្រើសជាតិអង់គ្លេស និងក្រូអាត ជាក្រុមបន្ទាប់ចេញពីពូល D ក្នុងពានរង្វាន់បាល់ទាត់ជើងឯកទ្វីបអឺរ៉ុប UEFA UERO 2020 ឡើងទៅវគ្គ១៦ក្រុមចុងក្រោយ ស្របពេលក្រុមសាធារណរដ្ឋឆែក នៅមិនទាន់អស់ឱកាសនៅឡើយនោះទេ ដោយរង់ចាំអ៊ុតមើលពិន្ទុរបស់ខ្លួនបើធៀបនឹងពូលផ្សេងៗ ក្នុងកៅអីចំណាត់ថ្នាក់លេខ៣ល្អ។
គិតត្រឹមពេលនេះក្រុមដែលមានឈ្មោះឡើងទៅជុំបន្ទាប់មាន៖
ពូល A៖ អ៊ីតាលី,វែល
ពូល B៖ បែលហ្សិក,ដាណឺម៉ាក
ពូល C៖ ហុល្លង់,អូទ្រីស
ពូល D៖ អង់គ្លេស,ក្រូអាត
ចំណែកក្រុមជាប់ចំណាត់ថ្នាក់លេខ៣ល្អបណ្ដោះអាសន្នមាន២ក្រុមហើយ រួមមានស្វីស និងឆែក។
សម្រាប់ប្រកួតបន្ទាប់ បិទពូល E និង F នេះមាន៖
-ស៊ុយអែត ប៉ះ ប៉ូឡូញ ម៉ោង១១យប់
-ស្លូវ៉ាគី ប៉ះ អេស្ប៉ាញ ម៉ោង១១យប់
-ព័រទុយហ្គាល់ ប៉ះ បារាំង ម៉ោង២យប់
-អាល្លឺម៉ង់ ប៉ះ ហុងគ្រី ម៉ោង២យប់
ពានរង្វាន់ UEFA Euro 2020 រៀបចំឡើងនៅ១១ប្រទេសផ្សេងគ្នាដោយសារតែស្ថានភាពកូវីដ-១៩ ចាប់ពីថ្ងៃទី១១ខែមិថុនា ដល់ថ្ងៃទី១១ ខែកក្កដា ឆ្នាំ២០២១ មាន២៤ក្រុមចូលរួមចែកជា៦ពូល ក្នុង១ពូលមាន៤ក្រុម។ ក្រុមទាំងអស់ចម្រាញ់យក១៦ក្រុមចុងក្រោយឡើងទៅវគ្គបន្ត ហើយប្រកួតគ្នាជម្រុះរហូតដល់វគ្គផ្ដាច់ព្រ័ត្រ៕