ក្លិបបាល់ទាត់ណាហ្គាវើលដ៍ ប្រកាសសម្រេចបន្តកិច្ចសន្យា ជាមួយកីឡាករ Cristian Roque។ ខ្សែប្រយុទ្ធសញ្ជាតិប្រេស៊ីលវ័យ២៧ឆ្នាំរូបនេះ បានចូលរួមជាមួយក្លិបណាហ្គាវើលដ៍ កាលពីរដូវកាលឆ្នាំ២០២២ ដែលជាក្លិបក្រៅស្រុកដំបូងរបស់គេ ដែលរូបគេធ្លាប់លេងឱ្យកន្លងមក។
Cristian Roque គឺជាកីឡាករមានគុណភាពលេងល្អទាំងទៅលើល្បឿន ការអូសបាល់ និងការបញ្ចប់ទី ដោយរូបគេមានកម្លាំងជើងខ្លាំង អាចស៊ុតបាល់ចេញពីក្រៅតំបន់គ្រោះថ្នាក់ បានយ៉ាងមានប្រសិទ្ធភាព។
គួរបញ្ជាក់ថា ត្រឹមរយ:ពេល៣ថ្ងៃមកនេះ ក្លិបបាល់ទាត់ណាហ្គាវើលដ៍ បានប្រកាសបន្តកិច្ចសន្យាជាមួយកីឡាករ២រូបផងដែរគឺ ខ្សែការពារ នេន សុធារដ្ឋ និងកិឡាករចាស់វស្សា គួច សុកុម្ភ:៕
