គិតត្រឹមពេលនេះរកឃើញក្រុមខ្លាំងៗដណ្តើមបានកៅអីវគ្គ១៦ក្រុមចុងក្រោយហើយក្នុងពានរង្វាន់បាល់ទាត់ជើងឯកទ្វីបអឺរ៉ុប UEFA UERO 2020 ក្រោយបញ្ចប់វគ្គជម្រុះតាមពូលកាលពីពេលថ្មីៗ ខណៈការប្រកួតធ្វើឡើងចន្លោះថ្ងៃទី២៦ ដល់២៩ ខែមិថុនា ឆ្នាំ២០២១។
សម្រាប់គូប្រកួតដែលត្រូវជួបគ្នាវគ្គ១៦ក្រុមចុងក្រោយមាន៖
-២៦ មិថុនា ២០២១ វែល Vs ដាណឺម៉ាក ម៉ោង១១យប់
-២៧ មិថុនា ២០២១ អ៊ីតាលី Vs អូទ្រីស ម៉ោង២រំលងអាធ្រាត្រ
-២៧ មិថុនា ២០២១ ហុល្លង់ Vs ឆែក ម៉ោង ម៉ោង១១យប់
-២៨ មិថុនា ២០២១ បែលហ្សិក Vs ព័រទុយហ្គាល់ ម៉ោង២រំលងអាធ្រាត្រ
-២៨ មិថុនា ២០២១ ក្រូអាត Vs អេស្ប៉ាញ ម៉ោង១១យប់
-២៩ មិថុនា ២០២១ បារាំង Vs ស្វីស ម៉ោង២រំលងអាធ្រាត្រ
-២៩ មិថុនា ២០២១ អង់គ្លេស Vs អាល្លឺម៉ង ម៉ោង១១យប់
-៣០ មិថុនា ២០២១ ស៊ុយអែត Vs អ៊ុយក្រែន ម៉ោង២រំលងអាធ្រាត្រ
ក្រោយបញ្ចប់វគ្គជម្រុះតាមពូលនេះផងដែរ ឃើញថាខ្សែប្រយុទ្ធ Cristiano Ronaldo របស់ព័រទុយហ្គាល់រកបានគ្រាប់បាល់ច្រើនជាងគេ (Top Scorers) រហូតដល់៥គ្រាប់ម្នាក់ឯងបើធៀបនឹងកីឡាករដទៃ ដែលទើបរកបានគ្រាប់បាល់ត្រឹម៣គ្រាប់និង២គ្រាប់ចុះក្រោម។
ពានរង្វាន់ UEFA Euro 2020 រៀបចំឡើងនៅ១១ប្រទេសផ្សេងគ្នាដោយសារតែស្ថានភាពកូវីដ-១៩ ចាប់ពីថ្ងៃទី១១ខែមិថុនា ដល់ថ្ងៃទី១១ ខែកក្កដា ឆ្នាំ២០២១ មាន២៤ក្រុមចូលរួមចែកជា៦ពូល ក្នុង១ពូលមាន៤ក្រុម។ ក្រុមទាំងអស់ចម្រាញ់យក១៦ក្រុមចុងក្រោយឡើងទៅវគ្គបន្ត ហើយប្រកួតគ្នាជម្រុះរហូតដល់វគ្គផ្ដាច់ព្រ័ត្រ។
ពានរង្វាន់នេះបង្កើតឡើងតាំងពីឆ្នាំ១៩៦០ ស្របពេលក្រុមអេស្ប៉ាញ និងអេស្ប៉ាញ ឈ្នះជើងឯកបានច្រើនជាងគេគឺរហូត៣ដងម្នាក់ ខណៈក្រុមព័រទុយហ្គាល់ ជាក្រុមជើងឯកឆ្នាំចាស់៕