សិល្បៈជាតិ៖ មួយជីវិតរបស់ព្រឹទ្ធាចារ្យ ឌួង ម៉ារ៉ី បានលះបង់គ្រប់យ៉ាងដើម្បីវិស័យសិល្បៈបុរាណ យ៉ាងណាមិញព្រឹទ្ធាចារ្យដែលមានជំនាញខាងចម្រៀងបុរាណនិងមហោរីស្ទាត់ជំនាញរូបនេះកំពុងតែធ្លាក់ខ្លួនឈឺ ហើយត្រូវការប្រាក់មួយចំនួនយកមកបន្តព្យាបាលខ្លួន។
ក្រោយពីប្រទេសកម្ពុជាត្រូវបានរំដោះចេញពីបនប្រល័យពូជសាសន៍ប៉ុលពត អ្នកគ្រូបានចូលបម្រើវិស័យសិល្បៈបុរាណអស់ពីកម្លាំងកាយ កម្លាំងចិត្ត និងកម្លាំងស្មារតី រហូតមកដល់ដើមឆ្នាំ២០២១។ បច្ចុប្បន្នអ្នកគ្រូដែលមានវ័យ៧៦ឆ្នាំហើយនោះ កំពុងមានជំងឺពុកឆ្អឹងធ្ងន់ធ្ងរ ពុំអាចព្យាបាលបានជាសះស្បើយ ចាំបាច់ត្រូវសម្រាកមួយកន្លែងសូម្បីតែប្រែខ្លួនក៏ពុំបាន។
កន្លងមកក្រុម បួងសួង Boung Soung បានសម្រេចផ្ដួចផ្ដើមគ្នាជួយសម្រាលបន្ទុកក្រុមគ្រួសាររបស់លោកយាយព្រឹទ្ធាចារ្យកាលពីអំឡុងខែធ្នូឆ្នាំ២០២២ ប៉ុន្តែអាស្រ័យដោយជំងឺធ្ងន់ធ្ងរពេកប្រាក់ដែលក្រុមមួយនេះជួយមិនអាចសម្រាលបន្ទុកគ្រួសារនេះបានយូរឡើយ ដូច្នេះទើបកាលពីថ្ងៃទី២៩ ខែមករា ម្សិលមិញនេះ គេហទំព័រវប្បធម៌ ខ្មែរ បានចេញមកអំពាវនាវម្ដងទៀតដើម្បីកៀរគរថវិកាដើម្បីជួយសម្រាលដល់ក្រុមគ្រួសារក្នុងការមើលថែរក្សានិងព្យាបាលដល់ព្រឹទ្ធាចារ្យរូបនេះ។
បងប្អូនដែលមានបំណងចង់ចូលរួមជាចំណែកណាមួយដើម្បីជួយដល់ ព្រឹទ្ធាចារ្យចម្រៀង ឌួង ម៉ារុី អាចឧបត្ថម្ភបានតាមរយៈគណនីរបស់គេហទំព័រ បួងសួង ដែលមានលេខ គណនី ABA 500 266 550 ប្រាក់ដុល្លារ($) 089 969 471 ប្រាក់រៀល(៛)ឈ្មោះ Sovannoudom NOP ៕