ពានរង្វាន់បាល់ទាត់លីគកំពូលរបស់ប្រទេសវៀតណាម ( 2023 Night Wolf V. League 1) រដូវកាលឆ្នាំ២០២៣ ខាងមុខនេះបានប្រកាសបង្កើនប្រាក់រង្វាន់ដល់ក្រុមជ័យលាភីមួយទ្វេជា២ បើធៀបនឹងរដូវកាលឆ្នាំ២០២២ កន្លងទៅរហូតដល់៩ពាន់លានដុង ឬ ជាង៣៨ម៉ឺនដុល្លារអាមេរិក។
ដូច្នេះជ័យលាភីពានរង្វាន់ 2023 Night Wolf V. League 1 មាន៖
-ជើងឯកទទួលបាន៥ពាន់លានដុង ឬ ជាង២១ម៉ឺនដុល្លារអាមេរិក
-ជើងឯករង ទទួលបាន២.៥ពាន់លានដុង ឬ ១០ម៉ឺនដុល្លារអាមេរិក
-លេខ៣ ទទួលបាន១.២៥ពាន់លានដុង ឬ ជាង៥ម៉ឺនដុល្លារអាមេរិក
ក្រុមដែលនឹងចូលរួមក្នុងពានរង្វាន់លីគកំពូលវៀតណាម រដូវកាលថ្មីនេះ មានក្រុមចូលរួមចំនួន១៤ ដោយក្នុងនោះមាន Becamex Binh Duong, CAND, Dong A Thanh Hoa, Hanoi, Hai Phong, Hoang Anh Gia Lai, Hong Linh Ha Tinh, Khanh Hoa, Nam Dinh, SHB Da Nang, Song Lam Nghe An, Topenland Binh Dinh, HCMC និង Viettel។
ការប្រកួតរៀបចំពីថ្ងៃទី៣ ខែកុម្ភៈ ដល់២០ ខែសីហា ឆ្នាំ២០២៣ ហើយក្រុមជើងឯកមានឈ្មោះតំណាងឱ្យប្រទេសវៀតណាម ឡើងទៅប្រកួតក្នុងពានរង្វាន់ជើងឯកទ្វីបអាស៊ី AFC Champions League ផងដែរ។
ដោយឡែកពានរង្វាន់លីគទី២ របស់វៀតណាម 2023 National First Division Gold Star Beer ឬ ប្រើឈ្មោះជា 2023 Gold Star V. League 2 ដោយមានត្រៀមប្រាក់រង្វាន់ដល់ម្ចាស់ជ័យលាភីដូចជា៖
-ម្ចាស់ ជើងឯកទទួលបាន២ពាន់លានដុង
-ក្រុមជើងឯករង ទទួលបាន១ពាន់លានដុង
-ក្រុមលេខ៣ ទទួលបាន៥០០លានដុង
ក្រុមដែលចូលរួមពានរង្វាន់ 2023 Gold Star V. League 2 មាន ១២ក្រុមដូចជា Ba Ria Vung Tau, Binh Phuoc, Binh Thuan, Can Tho, Hoa Binh, Hue, Long An, Pho Hien, Phu Dong, Phu Tho, Quang Nam, Saigon៕