ក្រុមកីឡាតេក្វាន់ដូម៉ាឡេស៊ី បានបង្ហាញការជឿជាក់ក្នុងការដណ្ដើមបានមេដាយមាសចំនួនពីរក្នុងព្រឹត្តិការណ៍កីឡាស៊ីហ្គេមលើកទី៣២ នៅកម្ពុជា។
អគ្គលេខាធិកាកីឡាតេក្វាន់ដូម៉ាឡេស៊ីលោក R. Dhanaraj បាននិយាយថា៖ «គោលដៅជាក់ស្តែងនឹងមានភាពប្រសើរឡើងបើប្រៀបធៀបទៅនឹងការចូលព្រឹត្តិការណ៍ពីមុនរបស់ក្រុម ដោយបានឈ្នះមេដាយមាសមួយ ប្រាក់ពីរ និងសំរឹទ្ធប្រាំនៅក្នុងឆ្នាំ២០១៩ និងដណ្ដើមបានមេដាយមាសមួយ ប្រាក់មួយ និងសំរឹទ្ធចំនួនបីក្នុងឆ្នាំ២០២២»។
អគ្គលេខាធិការូបនេះ បានប្រាប់អ្នកយកព័ត៌មានបន្ទាប់ពីកិច្ចប្រជុំគណៈកម្មាធិការការងារកីឡានៅក្រុមប្រឹក្សាកីឡាជាតិនៅទីក្រុង Bukit Jalil ថា៖ «កីឡាតេក្វាន់ដូម៉ាឡេស៊ីក៏កំពុងកំណត់គោលដៅ ដណ្ដើមមេដាយ ប្រាក់មួយ និងសំរឹទ្ធចំនួនបី សម្រាប់ការប្រកួតនេះផងដែរ»។
លោកបានបន្ថែមថា កីឡាតេក្វាន់ដូប្រកួតក្នុងព្រឹត្តិការណ៍ចំនួន១៥ ក្នុងចំណោមព្រឹត្តិការណ៍ចំនួន ២៤ នៅក្នុងការប្រកួតពីរឆ្នាំ ហើយការត្រៀមខ្លួនកំពុងត្រូវបានធ្វើឡើងក្នុងបញ្ជីកីឡាករពេញលេញ មុននឹងត្រូវបញ្ចប់នៅថ្ងៃទី១៩ ខែកុម្ភៈនេះ។ ក្រោយពេលបញ្ចប់ការប្រកួតជើងឯកថ្នាក់ជាតិដែលនឹងធ្វើឡើងនៅពាក់កណ្តាលខែនេះ ដើម្បីវាយតម្លៃសមត្ថភាពរបស់ពួកគេមុននឹងសម្រេចចិត្តជ្រើសរើសអត្តពលិកល្អបំផុតសម្រាប់ស៊ីហ្គេម។
លោកR. Dhanaraj បានបញ្ជាក់ថា អ្នកដែលត្រូវបានជ្រើសរើសនឹងត្រូវឆ្លងកាត់ការត្រៀមខ្លួនមុនការប្រកួតក្នុងខែមីនា បន្ទាប់មកដោយការបោះជំរំហ្វឹកហាត់រយៈពេលប្រាំមួយសប្តាហ៍ក្នុងប្រទេសកូរ៉េខាងត្បូងមុននឹងធ្វើដំណើរមកប្រទេសកម្ពុជា៕