ក្រោយត្រឡប់មកពីប្រទេសបារ៉ែន វិញក្នុងបេសកកម្មប្រកួតជម្រុះពានរង្វាន់ជើងឯកពិភពលោក 2022 FIFA World Cup Qatar ជុំទី២ប្រចាំទ្វីបអាស៊ី ពេលនេះក្រុមបាល់ទាត់ជម្រើសជាតិកម្ពុជាត្រូវធ្វើតេស្តយកសំណាកលើកទី២ មុនពេលត្រឡប់ទៅកាន់គេហដ្ឋានរៀងៗខ្លួន។
បើតាមការបង្ហោះនៅលើហ្វេសប៊ុករបស់សហព័ន្ធកីឡាបាល់ទាត់កម្ពុជា នៅព្រឹកថ្ងៃសុក្រ នេះបញ្ជាក់ថា៖« ការពិនិត្យសំណាករបស់ក្រុមជម្រើសជាតិកម្ពុជា លើកទី២ បន្ទាប់ពីការធ្វើចត្តាឡីស័ក ១៣ថ្ងៃកន្លងមក។ ក្រុមនឹងត្រូវរងចាំលទ្ធផលនៅថ្ងៃស្អែក បើលទ្ធផលចេញមកអវិជ្ជមានទាំងអស់គ្នា កីឡាករ និងមន្ត្រីទាំងអស់អាចត្រលប់ទៅគេហដ្ឋានរបស់ខ្លួនបាន»។
សូមបញ្ជាក់ថាពេលនេះក្រុមការងារគ្រូបង្វឹកនិងកីឡាករទាំងកំពុងធ្វើចត្តាឡីស័ក្ខរយៈពេល១៤ថ្ងៃនៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំរីករាយ ក្នុងខេត្តកំពង់ឆ្នាំង៕
អត្ថបទពាក់ព័ន្ធ៖ក្រុមជម្រើសជាតិកម្ពុជា មកដល់មាតុភូមិវិញ តែត្រូវធ្វើចត្តាឡីស័កនៅខេត្តកំពង់ឆ្នាំង