យោងតាមការចុះផ្សាយរបស់ GOAL បានឲ្យថាខ្សែប្រយុទ្ធ Neymar របស់ក្លិបបាល់ទាត់ Paris Saint Germain ត្រូវបានអ្នកជិតខាងប្តឹងប៉ូលីស ជុំវិញរឿងជប់លៀងផឹកស៊ីស្រែកឡូឡារកណ្តាលអធ្រាត្រ រំខានដល់ដំណេកប្រជាពលរដ្ឋដែលរស់នៅតំបន់ Bougival ចម្ងាយជាង១៥គីឡូម៉ែត្រពីកណ្តាលទីក្រុងប៉ារីស ប្រទេសបារាំង។
កាលពីថ្ងៃទី៥ ខែកុម្ភ: ឆ្នាំ២០២៣ Neymar បានអញ្ជើញមិត្តភក្តិជាច្រើន ដើម្បីប្រារព្ធពិធីខួបកំណើតអាយុ៣១ឆ្នាំ ដោយបានចាក់ភ្លេងខ្លាំងៗនៅក្នុងផ្ទះវីឡា ដែលមានមូលដ្ឋាននៅតំបន់ Bougival រហូតត្រូវបានមនុស្សរស់នៅជុំវិញនោះទាក់ទងប្តឹងប៉ូលីសអោយជួយអន្តរាគមន៍។
គួរដឹងថាថ្មីៗនេះ Neymar ទើបតែឈ្នះពាន Samba d’Or 2022 ជាលើកទី៦របស់គេ ក្នុងនាមជាកីឡាករបាល់ទាត់ល្អបំផុតប្រចាំឆ្នាំរបស់ប្រទេសប្រេស៊ីល។
បេក្ខភាពឈ្នះ Samba d’Or ឆ្នាំ ២០២២៖
១.Neymar របស់ PSG ទទួលបានសំលេងគាំទ្រ ៤០.៥% (បុរស)
២.Debinha របស់ Kansas City Current ទទួលបានសំលេងគាំទ្រ ១៥.៦% (នារី)
៣.Endrick Felipe របស់ Palmeiras ទទួលបានសំលេងគាំទ្រ ២៨.៤% (អាយុក្រោម២០ឆ្នាំ)។
ពានរង្វាន់ Samba d’Or ឬហៅ «Samba Gold» ត្រូវបានបង្កើតឡើងដំបូងនៅឆ្នាំ ២០០៨ ខាងក្រោមនេះគឺជាបញ្ជីឈ្មោះកីឡាករធ្លាប់ឈ្នះ៖
២០០៨ Kaká របស់ក្លិប Real Madrid
២០០៩ Luís Fabiano របស់ក្លិប Sevilla
២០១០ Maicon របស់ក្លិប Inter Milan
២០១១ Thiago Silva របស់ក្លិប AC Milan
២០១២ Thiago Silva របស់ក្លិប Paris Saint-Germain
២០១៣ Thiago Silva របស់ក្លិប Paris Saint-Germain
២០១៤ Neymar របស់ក្លិប Barcelona
២០១៥ Neymar របស់ក្លិប Barcelona
២០១៦ Philippe Coutinho របស់ក្លិប Liverpool
២០១៧ Neymar របស់ក្លិប Paris Saint-Germain
២០១៨ Roberto Firmino របស់ក្លិប Liverpool
២០១៩ Alisson Becker របស់ក្លិប Liverpool
២០២០ Neymar របស់ក្លិប Paris Saint-Germain
២០២១ Neymar របស់ក្លិប Paris Saint-Germain
២០២២ Neymar របស់ក្លិប Paris Saint-Germain៕
