ក្រុមបាល់ទាត់អ៊ីតាលី និងក្រុមដាណឺម៉ាក បានដឹកដៃគ្នាឡើងទៅវគ្គ៨ក្រុមចុងក្រោយនៃពានរង្វាន់បាល់ទាត់ជើងឯកទ្វីបអឺរ៉ុប UEFA EURO 2020 ក្រោយបានយកឈ្នះគូប្រកួតរៀងៗខ្លួនក្នុងវគ្គ១៦ក្រុមចុងក្រោយនៅយប់សៅរ៍ ចូលថ្ងៃអាទិត្យ នេះ។
សម្រាប់ លទ្ធផលនិងគូប្រកួតដែលត្រូវជួបគ្នាវគ្គ១៦ក្រុមចុងក្រោយមាន៖
-២៦ មិថុនា ២០២១ វែល ០-៤ ដាណឺម៉ាក ម៉ោង១១យប់
-២៧ មិថុនា ២០២១ អ៊ីតាលី ២-១ អូទ្រីស ម៉ោង២រំលងអាធ្រាត្រ
-២៧ មិថុនា ២០២១ ហុល្លង់ Vs ឆែក ម៉ោង ម៉ោង១១យប់
-២៨ មិថុនា ២០២១ បែលហ្សិក Vs ព័រទុយហ្គាល់ ម៉ោង២រំលងអាធ្រាត្រ
-២៨ មិថុនា ២០២១ ក្រូអាត Vs អេស្ប៉ាញ ម៉ោង១១យប់
-២៩ មិថុនា ២០២១ បារាំង Vs ស្វីស ម៉ោង២រំលងអាធ្រាត្រ
-២៩ មិថុនា ២០២១ អង់គ្លេស Vs អាល្លឺម៉ង ម៉ោង១១យប់
-៣០ មិថុនា ២០២១ ស៊ុយអែត Vs អ៊ុយក្រែន ម៉ោង២រំលងអាធ្រាត្រ
ដូច្នេះគូប្រកួតក្នុងវគ្គ៨ក្រុមចុងក្រោយជាបណ្តោះអាសន្នមាន៖
-ដាណឺម៉ាក Vs ឆែក ឬ ហុល្លង់
-អ៊ីតាលី VS បែលហ្សិក ឬ ព័រទុយហ្គាល់
ពានរង្វាន់ UEFA Euro 2020 រៀបចំឡើងនៅ១១ប្រទេសផ្សេងគ្នាដោយសារតែស្ថានភាពកូវីដ-១៩ ចាប់ពីថ្ងៃទី១១ខែមិថុនា ដល់ថ្ងៃទី១១ ខែកក្កដា ឆ្នាំ២០២១ មាន២៤ក្រុមចូលរួមចែកជា៦ពូល ក្នុង១ពូលមាន៤ក្រុម។ ក្រុមទាំងអស់ចម្រាញ់យក១៦ក្រុមចុងក្រោយឡើងទៅវគ្គបន្ត ហើយប្រកួតគ្នាជម្រុះរហូតដល់វគ្គផ្ដាច់ព្រ័ត្រ។
ពានរង្វាន់នេះបង្កើតឡើងតាំងពីឆ្នាំ១៩៦០ ស្របពេលក្រុមអេស្ប៉ាញ និងអេស្ប៉ាញ ឈ្នះជើងឯកបានច្រើនជាងគេគឺរហូត៣ដងម្នាក់ ខណៈក្រុមព័រទុយហ្គាល់ ជាក្រុមជើងឯកឆ្នាំចាស់៕
