សិល្បៈអន្តរជាតិ៖ Selena Gomez ចាប់ផ្ដើមធ្វើការងារតាំងពីក្មេង ខណៈដែលកុមារផ្សេងៗទៀតកំពុងតុក្កតានៅឡើយ។ តារារូបនេះចាប់ផ្ដើមប្រឡូកសិល្បៈតាំងពីវ័យក្មេងក្នុងនាមជាតារាសម្ដែងរបស់ Disney ដោយ Selena បានបង្ហាញវត្តមានសម្ដែងក្នុងភាពយន្តដែលប្រើកញ្ចប់ថវិកាមហាសាលដូចជារឿង Only Murders in the Building។ ប៉ុន្តែលោកអ្នកមានដឹងទេថាតារារូបនេះមានចំណូលវាល់លានទៀតដោយគ្រាន់តែបង្ហោះមួយផុសលើ IG ប៉ុណ្ណោះ។
ក្នុងនាមជាតារាសម្ដែង-តារាចម្រៀងដ៏មានប្រជាប្រិយដូច្នេះហើយអ្នកគាំទ្រតារារូបនេះនៅលើ Instagram មានចំនួនច្រើនរហូតដល់ ៣៧៨លាននាក់ ដូច្នេះ Selena អាចទទួលបានប្រាក់ចំណូលមហាសាលគ្រាន់តែផុសមួយផុសប៉ុណ្ណោះ។ យោងតាមបញ្ជីប្រចាំឆ្នាំរបស់ Instagram Rich ទឹកប្រាក់ដែលតារារូបនេះទទួលបានសម្រាប់មួយផុសប្រមាណ១.៤៦៨.០០០ ដុល្លារ។
ក្រោយដឹងពីតម្លៃមួយផុសដែល Selena ទទួលបាន លោកអ្នកច្បាស់ជាចង់ដឹងទៀតថាតើចំណូលដែល Selena ទទួលបានសម្រាប់ឆ្នាំ២០២៣នេះ មានចំនួនប៉ុន្មាន?
ឆ្នាំនេះ Selena មានចំនួន៩៥លានដុល្លារ ដែលកើនឡើងជាងឆ្នាំមុនរហូតដល់២០លានដុល្លារ ដោយចំនួននេះគឺបានមកពីរឿង Only Murders in the Building វគ្គទីពីរ និងវគ្គទីបីកំពុងតែថត ដោយនេះមិនរាប់បញ្ចូលជោគជ័យនៃរឿង Hotel Transylvania និងកម្មវិធីចម្អិនម្ហូបរបស់នាងនៅលើ HBO Max ផង៕
ប្រភព៖ MSN
