Ayumi Kawabata គឺជាបេក្ខនារីដែលទទួលបានតំណែងលេខ ២ក្នុងកម្មវិធីប្រកួត «National Beauty Witch Contest» លើកទី១០ ក្នុងប្រទេស ជប៉ុន កាលពីឆ្នាំ ២០១៩។ ស្ត្រីវ័យខ្ទង់សែសិបឆ្នាំ រូបនេះកំពុងល្បីល្បាញព្រោះតែមានមុខមាត់ប្រៀបដូចជាក្មេងស្រីស្ថិតក្នុងវ័យជាងម្ភៃ។
យោងតាម inf.news ប្រសិនបើអ្នកម្ដាយ និង កូនស្រីដើរតាមផ្លូវជាមួយគ្នា ប្រាកដជាអ្នកបានឃើញយល់ថាអ្នកទាំងពីរជាបងប្អូនគ្នា ព្រោះអ្នកម្ដាយដែលវ័យ ៤១ឆ្នាំពិតជាក្មេងខ្លាំង ជាពិសេសទៀតនោះអ្នកម្ដាយ និង កូនស្រីមានមុខមាត់ រូបរាងសឹងតែដូចគ្នា។
តាមរយៈរូបថតគូ អ្នកម្ដាយ និងកូនស្រីវ័យ ១៩ឆ្នាំ ដែលត្រូវបានបង្ហោះចែកចាយលើបណ្ដាញសង្គម IG មិនមានអ្នកណានឹកស្មានថាអ្នកទាំងពីរជាម្ដាយ និង កូននោះទេ តែគេយល់ថាអ្នកទាំងពីរជាបងប្អូន ឬមិត្តភក្ដិគ្នាទៅវិញ។
Ayumi Kawabata កើតនៅឆ្នាំ ១៩៨០ មានកម្ពស់១.៦៦ សង់ទីម៉ែត្រ គឺជាបេក្ខនារីចំណាត់ថ្នាក់លេខ២ ក្នុងការប្រកួតថ្នាក់ជាតិ «National Beauty Witch Contest» របស់ប្រទេសជប៉ុន ដែលនៅក្នុងការប្រកួតនោះ ទស្សនិកជនមានការភាន់ច្រឡំថា អ្នកស្រីមានវ័យត្រឹមខ្ទង់២០ឆ្នាំជាងតែប៉ុណ្ណោះ។
គួរដឹងដែរថា អ្នកម្ដាយនិងកូនស្រី គឺជាបុគ្គលល្បីមួយរូបនៅលើសង្គមអនឡាញប្រទេសជប៉ុន ព្រោះតែរូបរាងដ៏ក្មេងវ័យរបស់អ្នកស្រី Ayumi ដែលមើលពីត្រង់ចំណុចណាក៏ប្រៀបដូចជាក្មេងស្រីក្នុងវ័យជាង២០ឆ្នាំ ព្រមជាមួយនឹងកូនស្រីវ័យ១៩ឆ្នាំ មានរូបសម្រស់ ស្អាតស្រស់ដូចគ្នា ធ្វើឱ្យពេលដែលអ្នកស្រី និង កូន បង្ហោះរូបភាពពេលណាមានតែសំឡេងនិងពាក្យពេចន៍សរសើរគ្រប់គ្នា៕
សម្រាប់អ្នកចង់តាម Follow អ្នកស្រី Ayumi Kawabata លើ IG អាចចុចតាម Link ខាងក្រោមនេះ
