វគ្គជម្រុះពូល Bនៃពានរង្វាន់បាល់ទាត់ជើងឯកប្រចាំទ្វីបអាមេរិកខាងត្បូង 2021 Copa América បានបិទបញ្ចប់នៅព្រឹកថ្ងៃចន្ទទី ២៨ ខែមិថុនា ឆ្នាំ២០២១ នេះ ដែលកំពុងធ្វើឡើងនៅប្រទេសប្រេស៊ីល ជាម្ចាស់ផ្ទះ ខណៈក្រុមប្រេស៊ីល,ប៉េរូ,កូឡុំប៊ី,អេក្វាឌ័រ ឡើងទៅជុំបន្ត ហើយវេណេហ្ស៊ុយអេឡា ត្រូវធ្លាក់ចេញក្រោយនៅបាតតារាង។
លទ្ធផលប្រកួតបិទពូល B នៅព្រឹកថ្ងៃចន្ទនេះមាន៖
-ប្រេស៊ីល ១-១ អេក្វាឌ័រ
-វេណេហ្ស៊ុយអេឡា ០-១ ប៉េរូ
សម្រាប់កម្មវិធីប្រកួតបិទពូល A វិញនឹងធ្វើឡើងនៅវេលាម៉ោង៧ព្រឹកថ្ងៃអង្គារ ស្អែកនេះ៖
-អ៊ុយរុយហ្គាយ Vs ប៉ារ៉ាហ្គាយ
-បូលីវី Vs អាហ្សង់ទីន
គិតត្រឹមពេលនេះអ្នកទាត់បាល់បញ្ជូលទីបានច្រើនជាងគេ គឺរកបានម្នាក់២គ្រាប់មាន Neymar របស់ប្រេស៊ីល Eduardo Vargas របស់ឈីលី Ayrton Preciadoរបស់អេក្វាឌ័រ André Carrillo របស់ប៉េរូ និង Ángel Romero របស់ប៉ារ៉ាហ្គាយ។
បើតាមការកំណត់របស់គណៈកម្មការប្រកួតក្រុមលេខ១ដល់លេខ៤តាមពូលនីមួយៗមានឈ្មោះឡើងទៅជុំបន្ត ខណៈព្រឹត្តិការណ៍នេះមានក្រុមចូលរួមចំនួន១០ក្រុម បែងចែកជា២ពូល នឹងចាប់ផ្ដើមពីថ្ងៃទី១៣ ខែមិថុនា ដល់ថ្ងៃទី១០ ខែកក្កដា ឆ្នាំ២០២១។ ពូល A អាហ្សង់ទីន,បូលីវី,អ៊ុយរុយហ្គាយ,ប៉ារ៉ាហ្គាយ ចំណែកពូល B កូឡុំប៊ី,ប្រេស៊ីល,វេណេហ្ស៊ុយអេឡា,អេក្វាទ័រ និងប៉េរូ។
ពានរង្វាន់ Copa America រៀបចំឡើងតាំងពីឆ្នាំ១៩១៦ ហើយក្រោយមកវិវត្តន៍រៀបចំនៅរាល់៣ឆ្នាំម្តង ដោយប្រទេសអ៊ុយរ៉ាហ្គាយ ឈ្នះពានរង្វាន់បានច្រើនជាងគេ គឺរហូតដល់១៥លើក ខណៈក្រុមប្រេស៊ីល ជាម្ចាស់ជើងឯកឆ្នាំចាស់កាលពីឆ្នាំ២០១៩។ ចំណែកក្រុមអាហ្សង់ទីន ធ្លាប់ឈ្នះបាន១៤លើក ក្រុមប៉ារ៉ាហ្គាយ និងឈីលី ឈ្នះបានម្នាក់២លើក និងកូឡុំប៊ី និងបូលីវី ឈ្នះម្នាក់១លើក៕
