មជ្ឈមណ្ឌលបុប្ផាណា (BOPHANA Center) បានបង្កើតយុទ្ធនាការមួយរយៈពេល ៨ថ្ងៃ ស្វែងរកជំនួយឧបត្ថម្ភ ដើម្បីឱ្យមជ្ឈមណ្ឌលនេះអាចធ្វើសកម្មភាពរបស់ខ្លួនបានជាបន្តទៀត ក្នុងកាលៈទេសៈដ៏លំបាកដែលពិភពលោក កំពុងតែរងការរីករាលដាលនិងឆ្លង ឥតឈប់ឈរនៃជំងឺកូវីដ-១៩។
មជ្ឈមណ្ឌលបុប្ផាណាលេចចេញជារូងរាង ក្រោមគំនិតផ្តួចផ្ដើមរបស់លោក ប៉ាន់ រិទ្ធី ដែលជាសមិទ្ធិករភាពយន្តមួយរូប។មជ្ឈមណ្ឌលនេះត្រូវបានបង្កើតឡើង ដើម្បីប្រមូលរាល់បណ្ណសាររូបភាព និងសំឡេង ពាក់ព័ន្ធនឹងប្រទេសកម្ពុជា រួចហើយដាក់បេតិកភណ្ឌតែមួយគ្មានពីរនេះបង្ហាញដល់សាធារណជនដោយឥតគិតថ្លៃ។ មជ្ឈមណ្ឌលបុប្ផាណា ក៏ធ្វើការបណ្ដុះបណ្ដាលផងដែរដល់យុវជនខ្មែរពីមុខរបរក្នុងវិស័យភាពយន្ត សោតទស្សន៍ និងប្រព័ន្ធផ្សព្វផ្សាយថ្មី។ គោលបំណងគឺដើម្បីបើកផ្លូវដល់ពួកគេនៅក្នុងការច្នៃប្រតិដ្ឋ និងបង្កើតស្នាដៃវប្បធម៌ផ្ទាល់របស់ខ្លួន។
យ៉ាងណាមិញយោងតាមការបង្ហោះរបស់ហ្វេសប៊ុកផេក Bophana Center ខណៈនេះមជ្ឈមណ្ឌលកំពុងតែប្រកាសស្វែងរកជំនួយឧបត្ថម្ភ ដើម្បីឱ្យមជ្ឈមណ្ឌលមួយនេះអាចបន្តដំណើរការសកម្មភាពខ្លួនទៅមុខបាន តាមរយៈការបរិច្ចាគតាមពីរបៀបគឺ Give2Asia ឬ ABA៖
– Give2Asia: https://give2asia.org/bophana/
– ABA: 000 696 709 (ASSOCIATION … AUDIOVISUELS)
សម្រាប់សប្បុរសជនដែលចង់ជួយគាំទ្រអាចចូលរួមឧបត្ថម្ភមជ្ឈមណ្ឌលនេះតាមរយៈវិធីទាំងពីរខាងលើនេះ។